1 Korin 15:28 - Yesus Aqa Anjam Bole

²⁸ Ariya mondoŋ Qotei na iŋgi iŋgi kalil di olo eleŋosim Kristus aqa sorgomq di atim soqnim Qotei aqa Ŋiri a kamba dego Qotei aqa sorgomq di sqas. Soqnim Qotei na iŋgi iŋgi kalil di tulaŋ buŋnjrsimqa a segi naŋgo Mandor Koba sosim naŋgi bati gaigai taqatnjroqnqas.

1 Korin 15:28 ပူးပေါင်းရင်းမြစ်များ

Jon 14:28

E niŋgi endegsim merŋgonum quonub, ‘E niŋgi uratŋgsiy olo niŋgi qa bqai.’ Niŋgi e qalaqalaibonub qamu niŋgi ijo anjam deqa areboleboleiŋgwo qamu. Di kiyaqa? E ijo Abu aqaq olo oqwai deqa. Ijo Abu na e tulaŋ buŋbejunu.

1 Korin 11:3

Ariya niŋgi ijo anjam bei dego qusib poiŋgem. Tamo kalil naŋgo gate agi Kristus. Uŋa naŋgo gate agi naŋgo tamo naŋgi. Ariya Kristus aqa gate di Qotei.

1 Korin 12:6

Iga kumbra segi segi na wau ojeqnum. Ariya Qotei qujai segi unu. A na qujai tamo uŋgasari kalil naŋgi siŋgila enjreqnaqa naŋgi wau ojeqnub.

1 Korin 15:29

Tamo qudei naŋgi tamo nami moreŋeb qaji naŋgi qa olo are qaloqnsib yanso eqnub. Ariya tamo moreŋeb qaji naŋgi olo subq na tigelqasai anjam di bole qamu naŋgi kiyaqa naŋgi qa yanso eqnub?

1 Korin 3:23

Ariya niŋgi Kristus aqa. Ariya Kristus a Qotei aqa.

Efesus 1:23

Qotei aqa segi tamo uŋgasari naŋgi Kristus aqa jejamu qujai. Kristus a na iŋgi iŋgi kalil ekritosiq tulaŋ keretejunu. Deqa a na Qotei aqa segi tamo uŋgasari naŋgi dego osiq tulaŋ keretnjrejunu.

Filipai 3:21

Yesus aqa segi siŋgila na a na iŋgi iŋgi kalil eleŋosim aqa segi sorgomq di atim sqas. Aqa siŋgila dena a na gago jejamu bulyetgimqa gago jejamu di Yesus aqa jejamu bulosim so bole gaigai sqas. Gago jejamu di agi bini gulube ti jaqatiŋ ti unu.

Kolosi 3:11

Iga so bunujq di unum deqa iga kalil kerekere unum. Deqa iga gago was naŋgi endegsi minjroqnqasai, “Ni Grik qaji” o “Ni Juda qaji” o “Ni muluŋ aio qaji” o “Ni muluŋ aiosai qaji” o “Ni yauŋ tamo” o “Ni yambaŋ tamo” o “Ni kaŋgal tamo” o “Ni tamo laŋaj”. Iga gago was naŋgi degsi minjroqnqasai. Di kiyaqa? Kristus a segi qujai unu. A gago kalil qa Tamo Koba.