1 Korin 15:15 - Yesus Aqa Anjam Bole

¹⁵ Qotei na tamo moreŋeb qaji naŋgi olo subq na tigeltnjrqasai anjam di bole qamu Qotei na Kristus dego subq na tigeltosai qamu iga Qotei aqa kumbra kalil gisaŋ qa mareqnum qamu. Agi iga mareqnum, Qotei a Kristus subq na tigeltej.

1 Korin 15:15 ပူးပေါင်းရင်းမြစ်များ

Aposel 2:24

Onaqa Qotei na Yesus olo subq na tigeltosiqa moio gam kobotej. Di kiyaqa? Moio na Yesus a olo ojqa keresai.

Aposel 2:32

Yesus qujai di Qotei na subq na tigeltonaqa iga kalil ŋamdamu na unem. Deqa bini iga a qa mare mare laqnum.

Aposel 20:21

E bati gaigai Juda tamo ti Grik tamo ti naŋgi are bulyosib Qotei aqaq bosib gago Tamo Koba Yesus qa naŋgo areqalo siŋgilatqajqa deqa e siŋgila na anjam minjroqnem.

Aposel 4:10

Deqa niŋgi ti Israel tamo uŋgasari kalil ti ijo anjam endi qusib poiŋgem. Yesus Kristus Nasaret qaji agi niŋgi na ŋamburbasq di qalnab Qotei na olo subq na tigeltej qaji aqa ñam na tamo endi aqa jejamu boleosiq nuŋgo ulatamuq endia tigelesonaq niŋgi unonub.

Aposel 4:33

Tamo Koba Yesus a subq na tigelej anjam di aqa aŋgro 12-pela naŋgi siŋgila na maroqneb. Naŋgo anjam di siŋgila ti. Naŋgi mareqnab Qotei a naŋgi qa are tulaŋ boleiyoqnsiqa naŋgi siŋgila enjroqnej.

1 Korin 15:13

Tamo moreŋeb qaji naŋgi olo subq na tigelqasai anjam di bole qamu Qotei na Kristus dego subq na tigeltosai qamu.

1 Korin 15:16

Od, Qotei na tamo moreŋeb qaji naŋgi olo subq na tigeltnjrqasai anjam di bole qamu Qotei na Kristus dego subq na tigeltosai qamu.

1 Korin 15:20

Ariya iga degsi sqasai. Kristus a moinaqa Qotei na a olo subq na tigeltej. A tamo kalil nami moreŋeb qaji naŋgi qa namoosiq subq na tigelej.