1 Korin 14:7 - Yesus Aqa Anjam Bole

⁷ Iŋgi qudei ŋambile sosai qaji e deqa niŋgi merŋgit quiye. Tamo bei na yumba qamimqa kio gombiŋ anjamimqa kio ariya aqa anjam di jagwa na osi taqal waiyqas di iga kiersim aqa lou poigwas? Di keresai.

1 Korin 14:7 ပူးပေါင်းရင်းမြစ်များ

Matyu 11:17

‘Iga yumba anjamonumqa niŋgi lou tuosai. Iga are uge qa louonumqa niŋgi akamosai.’”

Luk 7:32

E naŋgi qa endegsi marqai. Naŋgi aŋgro du du bul qure ambleq dia alaŋoqnsib aŋgro qudei na qudei minjreqnub, ‘Iga yumba anjamonumqa niŋgi lou tuosai. Iga are uge qa louonumqa niŋgi akamosai.’”

1 Korin 13:1

Kumbra tulaŋ boledamu di agi qalaqalaiyo kumbra. E meŋ bulyosiy qure utru segi segi naŋgo anjam kio laŋ aŋgro naŋgo anjam kio maroqnqai ariya e qalaqalaiyo kumbra dauryqasai di ijo anjam maro di bolesai. Ijo anjam maro di laŋa noul bulosim qatroŋkobaqas. Osim gruma bul laŋa anjam atqas.

1 Korin 14:6

O was qu, niŋgi ijo anjam endeqa geregere are qaliye. E niŋgi qa bosiy meŋ bulyosiy qure utru segi segi naŋgo anjam merŋgit niŋgi qusib poiŋgwasai di anjam dena niŋgi kiersim aqaryaiŋgwas? Keresai. Ariya e Qotei aqa uli anjam bei ubtsiy merŋgitqa kio aqa qalie bole bei babtitqa kio aqa medabu osiy anjam palontitqa kio anjam bei plaltitqa kio niŋgi qusib geregere poiŋgwas di kere. Anjam dena niŋgi aqaryaiŋgwas.

1 Korin 14:8

Tamo naŋgi qoto qa gilqa marsib gul anjamibqa ariya gul aqa anjam di jagwa na osi taqal waiyqas di tamo yai naŋgi qoto qa gilqab? Tamo dego bei sosai.