1 Korin 14:35 - Yesus Aqa Anjam Bole

³⁵ Deqa koroq dia anjam palonto tamo naŋgi anjam palontoqnib uŋgasari naŋgi anjam aqa damu qalieqajqa maroqnib niŋgi na naŋgi saidnjrsib endegsib minjriye, “Yaintim nuŋgo segi talq dia niŋgi nuŋgo gumbuluŋ naŋgi nenemnjrib naŋgi na anjam aqa damu merŋgwab.” Niŋgi na naŋgi degsib minjriye. Di kiyaqa? Uŋgasari naŋgi koroq dia anjam marqab di kumbra bolesai.

1 Korin 14:35 ပူးပေါင်းရင်းမြစ်များ

1 Korin 11:14

Mandam tamo naŋgo kumbra na iga endegsi poigeqnu, tamo naŋgi gate baŋga mariŋ uratqab di bolesai.

1 Korin 11:6

Uŋa a aqa gate kabutqa uratosim di a aqa gate baŋga genteme. Ariya a aqa gate baŋga gentosim kio torei milaltosim kio dena a jemaiyqas di a aqa gate kabuteme.

1 Korin 14:36

O was qu, Qotei aqa anjam nuŋgoq dena brantej e? Niŋgi segi na Qotei aqa anjam eb e? Sai.

Efesus 5:12

Tamo naŋgi ambruq di unub qaji naŋgi ulioqnsib kumbra yeqnub. Di kiyaqa? Naŋgo kumbra di tulaŋ ugedamu. Deqa e naŋgo kumbra deqa maroqnsiy sqasai. Marqai di e jemaibqas.

1 Pita 3:7

O tamo, niŋgi areqalo bole dauryosib nuŋgo uŋgasari naŋgi ti geregere soqniye. Nuŋgo uŋgasari naŋgi tamo sai. Naŋgi uŋa. Naŋgo jejamu siŋgila sai. Deqa niŋgi lawo na naŋgi kumbra bole bole enjroqniye. Uŋgasari naŋgi dego ŋambile gaigai sqab. Niŋgi degsib qalieosib deqa nuŋgo uŋgasari naŋgi gereinjroqniye. Niŋgi kumbra degyqab di iŋgi bei na nuŋgo pail getentqa keresai. Qotei a nuŋgo pail quoqnqas.