1 Korin 14:25 - Yesus Aqa Anjam Bole

²⁵ Osim aqa areqalo uge kalil aqa are miligiq di uliejunu qaji di boleq atsim siŋga pulutosim Qotei aqa ñam soqtosim niŋgi merŋgwas, “Bole, Qotei a nuŋgo ambleq di unu.”

1 Korin 14:25 ပူးပေါင်းရင်းမြစ်များ

Luk 17:16

Gilsiq Yesus aqa siŋgaq dia siŋga pulutosiqa biŋiyosiq minjej, “O Tamo Koba, ni keretsimqa ijo jejamu boletonum.” Tamo di a Samaria qaji.

Luk 5:8

Onaqa Pita a Yesus aqa maŋwa di unsiqa Yesus aqa siŋgaq di siŋga pulutosiq minjej, “O Tamo Koba, e une tamo. Deqa ni e uratbosim gile.”

Luk 8:28

Deqa a Yesus unsiqa tulaŋ koba leleŋosiqa bosiq Yesus aqa areq di siŋga pulutosiqa minjej, “O Yesus, Tamo Koba Qotei aqa Ŋiri, ni e kierbqa bonum? E ni endegsi mermqai, ni e jaqatiŋ ebaim.”

Jon 4:19

Onaqa uŋa dena minjej, “O Tamo Koba, ni anjam di ubtsi merbonum deqa e poibqo, ni Qotei aqa medabu o qaji tamo bole.

Aposel 4:13

Pita wo Jon wo naŋgi siŋgila na tigelosib anjam di maroqneb naŋgi ulaosai. Deqa Juda tamo kokba naŋgi are koba qaloqneb. Di kiyaqa? Naŋgi qalieeb, naŋgi aiyel nami skul beiq gilosai. Naŋgi tamo laŋaj. Degsib qalieosib mareb, “Naŋgi aiyel nami Yesus ombla laqneb deqa anjam siŋgila na mareqnub.”

Uli Anjam 19:4

Onaqa gate kokba 24 naŋgi ti wagme qolqe ŋambile so qaji naŋgi ti siŋga pulutosibqa Qotei awo jaram kobaq di awesoqnej qaji a qa louoqnsibqa maroqneb, “Bole. Iga Qotei aqa ñam soqtoqnqom!”

Uli Anjam 5:8

Buk di yaiyonaqa wagme ŋambile so qaji qolqe naŋgi ti gate kokba 24 naŋgi ti bosib Kaja Du aqa areq di siŋga puluteb. Naŋgi kalil segi segi gombiŋ ti tabir gol na gereiyo qaji ti ojeleŋesoqneb. Tabirq dena qurem oqoqnsiqa Abu aqa ulatamuq di branteqnu. Qurem di quleq bole. Qurem di aqa utru agiende. Qotei aqa segi tamo uŋgasari naŋgo pailyo qurem bul oqoqnsiqa aqa ulatamuq di branteqnu.