1 Korin 14:15 - Yesus Aqa Anjam Bole

¹⁵ Deqa e endegyqai. E ijo mondor ti ijo areqalo ti turtsiy pailyoqnqai. E ijo mondor ti ijo areqalo ti turtsiy louoqnqai dego.

1 Korin 14:15 ပူးပေါင်းရင်းမြစ်များ

Aposel 21:22

Iga qalie, Juda naŋgi quqwab, ni Jerusalem bonum. Qusibqa ni qa are ugeinjrqas. Deqa iga kierqom?

Rom 1:9

E ijo are miligi siŋgilatsim deqa e Qotei aqa wau ojoqnsim aqa Ŋiri aqa anjam bole palontosim laqnum. Qotei a segi qalie, bati gaigai e pailyqa oqnsim niŋgi qa are qaleqnum.

Rom 3:5

Deqa was qu, niŋgi na kamba olo e endegsib merbqab kio, “Iga kumbra uge yoqnqom dena Qotei aqa kumbra tiŋtiŋ olo brantoqnqas di iga kiersi marqom? Qotei a gago une qa minjiŋ oqim awai uge egwas di a kumbra uge yqo. Degsi marqom e?” O was qu, iga degsi marqasai. Qotei a gaigai kumbra tiŋtiŋ segi yeqnu. A kumbra tiŋtiŋ yqasai di a kiersim tamo uŋgasari naŋgo kumbra qa peginjrqas? Nuŋgo areqalo di mandam tamo naŋgo areqalo.

Rom 8:31

Deqa iga Qotei aqa kumbra deqa kiersi marqom? Qotei na iga aqaryaigej deqa tamo yai na iga olo jeutgwas? Tamo dego bei sosai.

1 Korin 10:19

Sulum atrainjro qaji iŋgi iŋgi di atraiyqa iŋgi bole e degaib. E degsi marosai. Sulum naŋgi di qotei bole e degaib. E degsi marosai.

1 Korin 14:14

Niŋgi are qaliye. E meŋ bulyosiy qure utru bei naŋgo anjam na Qotei pailyqai di anjam aqa damu e poibqasai. Ijo segi mondor ijo are miligiq di unu qaji a segi pailyqas. Ijo areqalo laŋa qusim damu poiyqasai.

1 Korin 14:19

Ariya Kristen tamo uŋgasari naŋgi Qotei louqa koroesoqnibqa e naŋgo koroq dia anjam tulaŋ truquyala segi minjroqnit naŋgi qusib poinjrqas di bolequja. Ariya e meŋ bulyosiy qure utru segi segi naŋgo anjam tulaŋ olekoba totoryosiy naŋgi minjroqnit naŋgi poinjrqasai di keresai.

1 Korin 14:26

Deqa was qu, niŋgi Qotei louqa korooqnsibqa niŋgi endegyoqniye. Niŋgi kalil segi segi wau ti deqa niŋgi qudei louoqniye. Niŋgi qudei Qotei aqa anjam plaltoqniye. Niŋgi qudei Qotei aqa uli anjam ubtoqniye. Niŋgi qudei meŋ bulyosib qure utru segi segi naŋgo anjam maroqniye. Niŋgi qudei qure utru segi segi naŋgo anjam aqa damu poiŋgim bulyosib palontoqniye. O was qu, nuŋgo wau segi segi dena niŋgi na Kristen tamo uŋgasari naŋgi siŋgilatnjroqniye.

Efesus 6:18

Niŋgi Qotei aqa Mondor aqa siŋgila na gaigai Qotei pailyoqniye. Niŋgi aqar ataib. Niŋgi gaigai Qotei na niŋgi aqaryaiŋgwa maroqnsib siŋgila na pailyoqniye. Niŋgi pailyo urato uge deqa niŋgi geregere ŋam atoqnsib soqniye. Sosib niŋgi gaigai Qotei na aqa segi tamo uŋgasari naŋgi aqaryainjrqajqa deqa are qaloqnsib naŋgi qa pailyoqniye.

Filipai 1:18

Ariya tamo naŋgi areqalo bole na Kristus aqa anjam mare mare laqnub kio naŋgi areqalo uge na mare mare laqnub kio di uŋgum. Naŋgi kalil Kristus aqa anjam mare mare laqnub deqa e tulaŋ areboleboleibeqnu.

Kolosi 3:16

Osib niŋgi Kristus aqa anjam osib nuŋgo are miligiq di siŋgilatib soqnem. Osib niŋgi na nuŋgo Kristen was qu naŋgi areqalo bole ti powo ti osornjroqniye. Yim naŋgi kumbra bole bole yoqnqajqa deqa. Niŋgi nuŋgo are miligiq di Qotei biŋiyoqnsib a qa louoqniye. Lou qudei neŋgreŋq di unu qaji dena ti lou qudei Qotei aqa Mondor na nuŋgo are miligiq di ateqnu qaji dena ti niŋgi Qotei qa louoqniye.

Jems 5:13

Nuŋgo ambleq di tamo qudei naŋgi gulube qoboiyeqnub kio? Degamqa niŋgi na minjribqa naŋgi naŋgo gulube deqa Qotei pailyoqnebe. Nuŋgo ambleq di tamo qudei naŋgi arebole-boleinjreqnu kio? Degamqa niŋgi na minjribqa naŋgi Qotei qa louoqnsib aqa ñam soqtoqnebe.

Jut 1:20

Ariya ijo was bole, nuŋgo areqalo Qotei qa siŋgilateqnub qaji di niŋgi siŋgila na ojesoqnibqa dena nuŋgo are tulaŋ siŋgilaqas. Osib niŋgi bati gaigai Mondor Bole aqa siŋgila na pailyoqniye.