1 Korin 14:11 - Yesus Aqa Anjam Bole

¹¹ Ariya tamo bei na e anjam bei merbim qusiy aqa damu poibqasai di a e qa marqas, “A yauŋ tamo.” Yim deqa e kamba a qa marqai, “A dego yauŋ tamo.”

1 Korin 14:11 ပူးပေါင်းရင်းမြစ်များ

Aposel 28:2

Onaqa tamo uŋgasari nui dia soqneb qaji naŋgi kumbra tulaŋ boledamu ysibqa iga geregereigeb. Osib awa boqnej deqa iga yorgonaqa ŋam tuŋguyosib mergeb, “Niŋgi bosib ŋamyuo areq endi awooiye.” Onaqa iga ŋamyuo areq di awoonam jejamu kaŋkaŋgej.

Aposel 28:4

Onaqa nui deqaji tamo uŋgasari naŋgi amal uge Pol aqa baŋq di uñiyosiq gaiŋesonaqa unsibqa segi segi maroqneb, “Tamo endi a tamo qalo qaji kio? A yuwalq di moiosai deqa gago qotei na amal uge qariŋyqoqa a uñiyqo. Deqa a moiqas.”

Rom 1:14

E na Grik tamo naŋgi ti yauŋ tamo naŋgi ti powo tamo ti nanari tamo naŋgi ti Yesus aqa anjam minjroqnit quqwajqa deqa Qotei na e wau ebej.

1 Korin 14:10

Bole, mandamq endia qure utru segi segi naŋgo anjam gargekoba unub. Naŋgo anjam kalil di damu ti.

1 Korin 14:21

Agi Qotei aqa dal anjam bei nami endegsib neŋgreŋyeb unu, “Tamo Koba Qotei a marqo, ‘E na qure utru bei bei qaji tamo naŋgo anjam na ijo segi tamo uŋgasari naŋgi anjam minjroqnqai. Ariya naŋgi ijo anjam quetbqasai.’”

Kolosi 3:11

Iga so bunujq di unum deqa iga kalil kerekere unum. Deqa iga gago was naŋgi endegsi minjroqnqasai, “Ni Grik qaji” o “Ni Juda qaji” o “Ni muluŋ aio qaji” o “Ni muluŋ aiosai qaji” o “Ni yauŋ tamo” o “Ni yambaŋ tamo” o “Ni kaŋgal tamo” o “Ni tamo laŋaj”. Iga gago was naŋgi degsi minjroqnqasai. Di kiyaqa? Kristus a segi qujai unu. A gago kalil qa Tamo Koba.