1 Korin 14:1 - Yesus Aqa Anjam Bole

¹ Deqa was qu, niŋgi gaigai qalaqalaiyo kumbra dauryosib soqniye. Sosib wau kalil Qotei aqa Mondor na niŋgi eŋgeqnu qaji di dego yqajqa tulaŋ siŋgilaoqniye. Wau boledamu bei agiende. Qotei aqa Mondor na niŋgi siŋgila eŋgimqa niŋgi Qotei aqa medabu oqnsib anjam palontoqniye. Osib wau di yqajqa tulaŋ siŋgilaoqniye.

1 Korin 14:1 ပူးပေါင်းရင်းမြစ်များ

Rom 12:6

Qotei a iga qa are boleiyonaq deqa iga powo segi segi egej. A na tamo qudei naŋgi aqa medabu osib anjam palontqajqa powo enjrej deqa naŋgi a qa nuŋgo areqalo siŋgilatosib aqa anjam geregere palontoqnebe.

Rom 14:19

Deqa iga kalil lawo na sqajqa ti gago Kristen was naŋgo are siŋgilatetnjrqajqa ti deqa are qaloqnsim wauoqnqom.

Rom 9:30

Deqa iga kiersi marqom? Iga endegsi marqom. Sawa bei bei qaji naŋgi tamo bole une saiqoji sqajqa gam ŋamosaioqneb. Ariya naŋgi gam iteb. Gam agiende. Naŋgi Yesus qa naŋgo areqalo siŋgilateb gam dena naŋgi tamo bole une saiqoji soqneb.

1 Korin 12:1

Ariya was qu, Qotei aqa Mondor a na iga siŋgila segi segi egeqnaqa iga wau ojeqnum. E deqa niŋgi merŋgit quiye.

1 Korin 12:31

Ariya was qu, niŋgi Qotei aqa Mondor aqa kumbra qudei tulaŋ boledamu di osib dauryqajqa siŋgilaoqniye. Qotei aqa kumbra tulaŋ boledamu bei agi e na niŋgi merŋgit quiye.

1 Korin 13:13

Iga Qotei qa gago areqalo siŋgilateqnum kumbra di a gaigai sqas. Qotei na iga oqajqa deqa iga tariŋoqnsim unum kumbra di dego gaigai sqas. Qalaqalaiyo kumbra di dego gaigai sqas. Ariya qalaqalaiyo kumbra di tulaŋ bolequja. Qalaqalaiyo kumbra dena kumbra kalil tulaŋ buŋnjrejunu.

1 Korin 13:2

E Qotei aqa medabu osiy anjam palontoqnqai kio e Qotei aqa uli anjam kalil qalieosiy utru babteleŋqai kio e qalie koba ti sqai kio e Qotei qa ijo areqalo tulaŋ siŋgilatosiy deqa mana kobaquja minjitqa a ijo anjam dauryosim tigelosim sawa beiq gilqas kio ariya e qalaqalaiyo kumbra dauryqasai di ijo kumbra kalil di Qotei aqa ŋamgalaq di kumbra bolesai.

1 Korin 14:22

Deqa was qu, Qotei a na tamo naŋgo meŋ bulyetnjreqnu di aqa utru agiende. Kumbra dena a na tamo uŋgasari a qa naŋgo areqalo siŋgilatosaieqnub qaji naŋgi aqa siŋgila osornjreqnu. Tamo uŋgasari a qa naŋgo areqalo siŋgilateqnub qaji naŋgi qa sai. Ariya tamo naŋgi Qotei aqa medabu oqnsib anjam palonteqnub di aqa utru agiende. Kumbra dena a na tamo uŋgasari a qa naŋgo areqalo siŋgilateqnub qaji naŋgi aqaryainjreqnu. Tamo uŋgasari a qa naŋgo areqalo siŋgilatosaieqnub qaji naŋgi qa sai.

1 Korin 14:37

Nuŋgo ambleq di tamo bei a endegsi are qalqas, “Qotei na e wau ebej deqa e aqa medabu o qaji tamo bole.” O a endegsi are qalqas, “E Qotei aqa Mondor ti unum.” Di a kere are qalqo. Ariya tamo di a olo endegsi poiyem, “Anjam Pol na neŋgreŋyosiq iga qa qariŋyqo qaji endi Tamo Koba Qotei aqa segi dal anjam.”

1 Korin 14:39

Deqa ijo was qu, niŋgi Qotei aqa medabu osib anjam palontqajqa tulaŋ siŋgilaoqniye. Ariya nuŋgo koroq dia tamo qudei naŋgi meŋ bulyosib qure utru segi segi naŋgo anjam maroqnib niŋgi na naŋgi olo saidnjraib.

1 Korin 16:14

Osib niŋgi na tamo kalil naŋgi ti Qotei a ti qalaqalainjroqniye. Niŋgi kumbra bei yqa oqnsib mati qalaqalaiyo kumbra na yoqniye.

Efesus 1:3

Iga Qotei aqa ñam soqtoqnqom. A gago Tamo Koba Yesus Kristus aqa Abu Qotei. A Kristus aqa wau na laŋ qaji iŋgi bole bole iga egej. A gago qunuŋ qa are qalsiq deqa iŋgi di iga egej.

1 Tesalonaika 5:20

Qotei aqa medabu o qaji tamo naŋgi na anjam merŋgoqnibqa niŋgi naŋgi qa olo are ugeiŋgaiq.

1 Timoti 4:14

Nami Kristen gate naŋgi Qotei aqa ñam na ino gateq di naŋgo baŋ atnabqa Qotei na ni siŋgila emej. Onaqa bunuqna tamo bei na olo Qotei aqa medabu osiq ni qa anjam bei dego babtej. Deqa ni siŋgila di oqnsim wauqa asgimaiq.

1 Timoti 5:10

Naŋgi nami wau bole bole yoqneb deqa naŋgi tamo uŋgasari naŋgo ŋamgalaq di uŋa bole. Naŋgi na naŋgo aŋgro naŋgi geregere-injroqnsib boletnjroqneb. Tamo laŋaj naŋgi naŋgo meq beqnabqa oqnsib geregereinjroqneb. Naŋgi na Kristen tamo uŋgasari naŋgo siŋga yansetnjroqneb. Tamo uŋgasari naŋgi gulube ti sonabqa naŋgi na aqaryainjroqneb. O Timoti, ni na uŋa qobul deqaji naŋgo ñam neŋgreŋyim Kristen tamo uŋgasari naŋgi na iŋgi iŋgi qa aqaryainjroqnqab.

1 Timoti 6:11

Ariya Timoti, ni Qotei aqa tamo deqa ni kumbra uge kalil deqaji torei qoreiyosim taqat ate. Osim ni kumbra tiŋtiŋ yoqnsim Qotei aqa kumbra dauryoqnsim a qa ino areqalo siŋgilatoqnsim tamo naŋgi qalaqalainjroqne. Osim ni gulube kalil qa siŋgila na tigeloqnsim tamo uŋgasari naŋgi lawo kumbra enjroqne.

2 Timoti 2:22

Deqa areqalo uge uge kalil aŋgro wala naŋgo are miligiq dena branteqnu qaji di ni na qoreiye. Osim ni kumbra tiŋtiŋ yqajqa wauoqnsim Qotei qa ino areqalo siŋgilatoqnsim tamo kalil naŋgi qalaqalainjroqnsim are lawo na soqne. Ni ti tamo kalil are bole na Tamo Koba Qotei qa louoqnsib aqa ñam na pailyeqnub qaji naŋgi ti kumbra di yoqniye.

Hibru 12:14

Niŋgi tamo kalil naŋgi ti koba na geregere lawo na sqajqa wauoqniye. Ariya kumbra bei dego niŋgi dauryiye. Kumbra agiende. Niŋgi nuŋgo segi jejamu Qotei yekritosib aqa segi kumbra boleq di sosib dauryoqniye. Tamo a Qotei aqa kumbra ti sqasai di a Tamo Koba Qotei unqa keresai.

2 Pita 1:7

Osib dena niŋgi nuŋgo Kristen was qu naŋgi kadoinjrsib geregereinjroqniye. Osib dena niŋgi qalaqalaiyo kumbra dauryosib soqniye.

3 Jon 1:11

O ijo was bole Gaius, ni kumbra uge dauryaim. Ni kumbra bole segi daurye. Tamo a kumbra bole yqas di a Qotei aqa tamo sqas. Ariya tamo naŋgi kumbra uge uge yeqnub qaji naŋgi Qotei unqa keresai.