1 Korin 13:8 - Yesus Aqa Anjam Bole

⁸ Qalaqalaiyo kumbra di koboqa keresai. Qotei na tamo qudei naŋgi wau enjreqnu deqa naŋgi aqa medabu oqnsib aqa anjam geregere palonteqnub. Ariya wau di koboqas. Qotei na tamo qudei naŋgo meŋ bulyetnjreqnu deqa naŋgi qure utru segi segi naŋgo anjam mareleŋeqnub. Kumbra di dego koboqas. Qotei na tamo qudei naŋgi qalie koba enjreqnaqa naŋgi anjam bole mareqnub. Qalie di dego koboqas.

1 Korin 13:8 ပူးပေါင်းရင်းမြစ်များ

Luk 22:32

O Pita, e ni qa gaigai endegsim Qotei pailyeqnum, ‘O Abu, ni na Pita aqa areqalo siŋgilatetimqa a e uratbqasai.’ E ni qa degsim pailyeqnum. Bole, ni mati uloŋqam. Ariya bunuqna ni olo are bulyosimqa ijoq bqam. Bosim ino was naŋgi siŋgilatnjroqnqam.”

Aposel 13:1

Antiok qureq dia Yesus aqa tamo uŋgasari naŋgo ambleq di Qotei aqa medabu o qaji tamo naŋgi ti Qotei aqa anjam plalto qaji tamo naŋgi ti soqneb. Naŋgo ñam agiende. Bei Barnabas. Bei Simeon aqa ñam bei Niger. Ñam di aqa damu, “Jejamu tulu.” Bei Lusius. A Sairini qaji. Bei Manain. A nami Tamo Koba Herot ombla aŋgro sosibqa tal qujaiq di boleeb. Ariya bei Sol.

Aposel 19:6

Yanso onabqa Pol a naŋgo gateq di aqa baŋ atnaqa Qotei aqa Mondor naŋgoq aisiqa meŋ bulyetnjrnaqa naŋgi qure bei bei naŋgo anjam poinjrnaqa mareleŋoqneb. Osib naŋgi Qotei aqa medabu osib anjam maroqneb.

Aposel 2:4

Osiqa naŋgo segi segi are miligiq aisiq meŋ bulyetnjrnaqa naŋgi kalil qure segi segi naŋgo anjam mareleŋoqneb.

1 Korin 12:10

Tamo qudei naŋgi siŋgila oqnsib dena naŋgi Qotei aqa maŋwa babteleŋeqnub. Tamo qudei naŋgi siŋgila oqnsib dena naŋgi Qotei aqa medabu oqnsib anjam geregere palonteqnub. Tamo qudei naŋgi powo oqnsib dena naŋgi na mondor kalil naŋgi peginjroqnsib mareqnub, “Mondor naŋgi di bole. Mondor naŋgi di uge.” Tamo qudei naŋgi powo oqnsib dena naŋgi meŋ bulyoqnsib qure utru segi segi naŋgo anjam mareleŋeqnub. Tamo qudei naŋgi powo oqnsib dena naŋgi qure utru segi segi naŋgo anjam di quoqnsib damu poinjreqnaqa bulyeqnub.

1 Korin 13:10

Ariya mondoŋ Kristus a olo bosim iŋgi iŋgi kalil keretimqa bati deqa qalie ti anjam ti iga truquigeqnu qaji di torei koboqas.

1 Korin 13:13

Iga Qotei qa gago areqalo siŋgilateqnum kumbra di a gaigai sqas. Qotei na iga oqajqa deqa iga tariŋoqnsim unum kumbra di dego gaigai sqas. Qalaqalaiyo kumbra di dego gaigai sqas. Ariya qalaqalaiyo kumbra di tulaŋ bolequja. Qalaqalaiyo kumbra dena kumbra kalil tulaŋ buŋnjrejunu.

1 Korin 14:39

Deqa ijo was qu, niŋgi Qotei aqa medabu osib anjam palontqajqa tulaŋ siŋgilaoqniye. Ariya nuŋgo koroq dia tamo qudei naŋgi meŋ bulyosib qure utru segi segi naŋgo anjam maroqnib niŋgi na naŋgi olo saidnjraib.

1 Korin 8:2

Tamo bei a marqas, “E powo ti unum.” A degsi marqo deqa iga qalieonum, aqa powo kereosaiunu.

Galesia 5:6

Tamo a Kristus Yesus beteryesqas di a marqas, iga muluŋ aiqom di laŋa. Iga muluŋ aiqasai di dego laŋa. Ariya iga Kristus qa gago areqalo siŋgilatosim dena iga qalaqalaiyo kumbra dauryoqnqom di kumbra bole utru ti.

Hibru 8:13

Agi Qotei a marej, “E anjam bunuj atqai.” A degsi marej deqa iga qalieonum, anjam a nami atej qaji di olo namijej. Deqa anjam di a sokobaiyqasai. A sokiñalayosim torei koboqas.