1 Korin 12:31 - Yesus Aqa Anjam Bole

³¹ Ariya was qu, niŋgi Qotei aqa Mondor aqa kumbra qudei tulaŋ boledamu di osib dauryqajqa siŋgilaoqniye. Qotei aqa kumbra tulaŋ boledamu bei agi e na niŋgi merŋgit quiye.

1 Korin 12:31 ပူးပေါင်းရင်းမြစ်များ

Matyu 5:6

“Tamo naŋgi mamnjreqnaqa iŋgi uyqajqa tulaŋ arearetnjreqnu. Naŋgi ya qarnjreqnaqa ya uyqajqa tulaŋ arearetnjreqnu. Dego kere tamo uŋgasari kumbra bole bole yqajqa tulaŋ arearetnjreqnu qaji naŋgi tulaŋ areboleboleinjreme. Di kiyaqa? Qotei na aqa segi kumbra bole naŋgi enjroqnimqa naŋgi tulaŋ kere na sqab.

Luk 10:42

Iŋgi qujai qa are qalqam di kere. Agi Maria a iŋgi qujai di oqo. Iŋgi di tulaŋ boledamu. Di tamo bei na olo yaiyqa keresai.”

1 Korin 13:1

Kumbra tulaŋ boledamu di agi qalaqalaiyo kumbra. E meŋ bulyosiy qure utru segi segi naŋgo anjam kio laŋ aŋgro naŋgo anjam kio maroqnqai ariya e qalaqalaiyo kumbra dauryqasai di ijo anjam maro di bolesai. Ijo anjam maro di laŋa noul bulosim qatroŋkobaqas. Osim gruma bul laŋa anjam atqas.

1 Korin 14:1

Deqa was qu, niŋgi gaigai qalaqalaiyo kumbra dauryosib soqniye. Sosib wau kalil Qotei aqa Mondor na niŋgi eŋgeqnu qaji di dego yqajqa tulaŋ siŋgilaoqniye. Wau boledamu bei agiende. Qotei aqa Mondor na niŋgi siŋgila eŋgimqa niŋgi Qotei aqa medabu oqnsib anjam palontoqniye. Osib wau di yqajqa tulaŋ siŋgilaoqniye.

1 Korin 14:39

Deqa ijo was qu, niŋgi Qotei aqa medabu osib anjam palontqajqa tulaŋ siŋgilaoqniye. Ariya nuŋgo koroq dia tamo qudei naŋgi meŋ bulyosib qure utru segi segi naŋgo anjam maroqnib niŋgi na naŋgi olo saidnjraib.

1 Korin 8:1

Ariya e na sulum atrainjro qaji iŋgi iŋgi uyqajqa kumbra qa niŋgi merŋgwai. Tamo qudei naŋgi endegsib mareqnub, “Iga kalil powo ti unum.” Di naŋgi bole mareqnub. Ariya naŋgo powo dena naŋgi olo tulaŋ diqoqnsib naŋgo segi ñam soqtoqnsib laqnub. Ariya iga qalaqalaiyo kumbra dauryqom dena iga Kristen tamo uŋgasari naŋgo areqalo siŋgilatetnjroqnqom.

Filipai 3:8

E Juda naŋgo kumbra uratqa segi marosai. E mandam qa kumbra kalil dego uratqa maronum. E ijo Tamo Koba Kristus Yesus qa bole qalieonum. Ijo qalie di tulaŋ bolequja e degsi unonum. Deqa e qalieonum, mandam qa kumbra kalil di qalam jiri bul. Deqa e Kristus segi dauryqajqa are unu. E mandam qa kumbra kalil di uratekritosiy Kristus segi ojqai.

Hibru 11:4

Abel a nami Qotei qa aqa areqalo siŋgilatej deqa a iŋgi iŋgi osiq Qotei atraiyej. Onaqa Qotei a Abel aqa iŋgi deqa tulaŋ arearetej. Abel aqa aube Kein a dego iŋgi iŋgi osiq Qotei atraiyej. Ariya Qotei a Kein aqa atraiyo iŋgi qa arearetosai. Abel a Qotei qa aqa areqalo siŋgilatej utru deqa Qotei a Abel aqa atraiyo iŋgi iŋgi qa arearetej. Kumbra dena iga osorgwo, Qotei na Abel a tamo bole une saiqoji qa minjej. Abel a nami moiej ariya a Qotei qa aqa areqalo siŋgilatej deqa bini a Qotei aqa anjam palontosiq iga mergobuleqnu.