1 Korin 12:3 - Yesus Aqa Anjam Bole

³ Deqa niŋgi ijo anjam endeqa geregere are qaliye. Qotei aqa Mondor a tamo bei aqaq di sosim aqa medabu siŋgilatetimqa a endegsi marqa keresai, “Yesus a tamo uge deqa Qotei na a qoreiyem.” Ariya tamo bei a Qotei aqa Mondor ti sqasai di a endegsi marqa keresai, “Yesus a Tamo Koba.”

1 Korin 12:3 ပူးပေါင်းရင်းမြစ်များ

Matyu 22:43

Onaqa Yesus na olo minjrej, “Devit a segi nami marej, ‘Kristus a ijo Tamo Koba.’ Agi Qotei aqa Mondor na Devit areqalo yonaqa endegsi marej,

Mak 9:39

Onaqa Yesus na minjej, “Niŋgi a saidyaib. A ijo ñam na maŋwa bei babtqas di kere. Deqa a urur e misiliŋbqasai.

Jon 13:13

Niŋgi e merbeqnub, ‘O Qalie Tamo Koba. O Tamo Koba.’ Niŋgi e degsib merbeqnub. Di kere merbeqnub. Agi e segi qujai.

Jon 13:14

E nuŋgo Tamo Koba. E nuŋgo Qalie Tamo Koba dego. Ariya e nuŋgo siŋga yansetŋgonum. Deqa niŋgi dego nuŋgo was naŋgo siŋga yansetnjroqniye.

Jon 15:26

“Niŋgi siŋgilatŋgwajqa Mondor a ijo Abu ombla unub. E na a qariŋyit niŋgi qa bqas. A anjam bole qa Mondor. A ijo Abu aqaq dena bqas. Bosim ijo wau qa ti ijo kumbra qa ti anjam babtqas.

Aposel 8:37

Onaqa Filip na minjej, “Ni are bulyosim ino areqalo kalil Yesus qa siŋgilatqam di e ni yansmqai.” Onaqa minjej, “E ijo areqalo Yesus Kristus qa siŋgilatosim poibqo, a Qotei aqa Ŋiri.”

Rom 10:9

Deqa niŋgi nuŋgo medabu waqtosib Yesus a segi qujai Tamo Koba degsib boleq na marqab di Qotei na niŋgi oqas. Qotei a Yesus subq na olo tigeltej anjam di nuŋgo are miligiq di siŋgilatosib sqab di Qotei na niŋgi oqas.

Rom 9:3

Ijo areqalo koba agiende. Qotei na e taqal waibim Kristus na e qoreibosim ijo was qu agi Jekop aqa leŋ naŋgi olo kamba eleŋqajqa deqa e are koba qaleqnum. Osim deqa e gaigai Qotei pailyeqnum.

1 Korin 16:22

Ariya e ijo anjam getentqai. Tamo bei a Tamo Koba Yesus qalaqalaiyqasai di Qotei na kamba tamo di uge qa minjsim ŋolawotqas. O Tamo Koba Yesus, ni aue.

1 Korin 8:6

Iga qalieonum, Qotei qujai unu. A gago Abu. A iŋgi iŋgi kalil qa utru. Iga aqa segi tamo uŋgasari tiŋtiŋ unum. Tamo Koba qujai dego unu. Di Yesus Kristus. A iŋgi iŋgi kalil ateleŋej. Iga kalil aqaq dena ŋambile em.

2 Korin 11:4

E ulaonum. Di kiyaqa? E qalieonum, tamo qudei naŋgi niŋgi qa boqnsib gisaŋgoqnsib Yesus bei qa anjam palontosib merŋgeqnub. Yesus deqa iga nami anjam palontosaioqnem. Tamo naŋgi di mondor bei qa dego niŋgi merŋgeqnub. Di gisaŋ mondor. Mondor deqa iga nami niŋgi merŋgosaioqnem. Yesus aqa anjam bole iga nami niŋgi merŋgoqnem qaji di dego tamo qudei naŋgi bulbulyoqnsib olo anjam bei niŋgi merŋgeqnub. E qalieonum, naŋgi anjam di niŋgi merŋgeqnab niŋgi quoqnsib bole edegoqnsib dauryeqnub. O was qu, niŋgi degaib.

2 Korin 3:5

Bole, iga segi na wau di ojqa keresai. Deqa iga gago segi siŋgila na wau bei yeqnum degsi marqa keresai. Qotei a segi na iga siŋgilatgeqnaqa iga wau yeqnum.

Galesia 3:13

Ariya dal anjam a marqo, iga dal anjam kalil torei dauryqasai di Qotei na iga tamo uge qa marsim padaltgwas. Ariya Kristus a na iga aqaryaigwa marsiq deqa a gago sawa osiqa a segi Qotei aqa ŋamgalaq di tamo uge bulosiqa iga qa padalej. Agi Qotei aqa anjam bei nami endegsib neŋgreŋyeb unu, “Tamo kalil ŋamtaŋ goge di gaiŋejunub qaji naŋgi di Qotei na tamo uge qa marsim padaltnjrqas.”

Uli Anjam 1:10

E Patmos nui endi sonamqa Tamo Koba aqa batiej. Onaqa Qotei aqa Mondor Bole na e siŋgilatbonaqa ijo qoreq di tamo bei leleŋonaqa e aqa kakoro quem. A tulaŋ koba leleŋej. Gul anjameqnu dego kere.