1 Korin 12:26 - Yesus Aqa Anjam Bole

²⁶ Deqa jejamu sarqei bei a jaqatiŋ oqas di jejamu sarqei kalil naŋgi dego jaqatiŋ oqab. Jejamu sarqei qujai a ñam koba oqas di jejamu sarqei kalil naŋgi a ombla na areboleboleinjrqas.

1 Korin 12:26 ပူးပေါင်းရင်းမြစ်များ

Matyu 3:15

Onaqa Yesus na kamba minjej, “Uŋgum. Ni ijo anjam dauryosim yansbe. Yimqa kumbra dena iga Qotei aqa areqalo kalil keretosim dauryqom.” Onaqa Jon a Yesus aqa anjam di dauryosiqa a yansej.

Matyu 5:29

“Ino ŋamdamu wo na ni titmosim uneq waimqa laqnimqa ŋamdamu di otorosim waiy. Ino jejamu taqal qujai loumimqa ni une atqasai di kere. Ariya Qotei na ino jejamu taqal kalil ŋamyuoq waiyetmqas di keresai.

Rom 12:15

Kristen was qudei naŋgi areboleboleinjrimqa niŋgi kamba dego naŋgi koba na areboleboleiŋgeme. Ariya was qudei naŋgi akamoqnibqa niŋgi kamba dego naŋgi koba na akamoiye.

1 Korin 12:25

Gago jejamu a poosim segisegiaim deqa Qotei a degyeqnu. Yim jejamu sarqei kalil naŋgi segi segi geregereinjroqnqajqa deqa.

1 Korin 12:27

Ariya niŋgi kalil Kristus aqa jejamu qujai. Niŋgi segi segi aqa jejamu sarqei unub.

Galesia 6:2

Niŋgi na nuŋgo Kristen was naŋgi aqaryainjroqnsib naŋgo gulube qoboiyetnjroqniye. Degsib qoboiyoqnqab kumbra dena niŋgi Kristus aqa dal anjam keretosib dauryqab.

Hibru 13:3

Ariya Qotei aqa tamo uŋgasari qudei naŋgi tonto talq di unub. Deqa niŋgi naŋgi uratnjraib. Niŋgi naŋgi qa are qaloqnsib koba na tonto talq di sobulosib naŋgi geregereinjroqniye. Ariya jeu tamo naŋgi na Kristen tamo qudei naŋgi ugeugeinjroqnsib jaqatiŋ enjreqnub. Deqa niŋgi naŋgi qa dego are qaloqnsib koba na jaqatiŋ obuloqnsib naŋgi geregereinjroqniye. Di kiyaqa? Niŋgi naŋgi ti Kristen was qu deqa. Niŋgi qalie, niŋgi mandamq endi sonabqa jeu tamo naŋgi na niŋgi dego ugeugeiŋgeqnub.

1 Pita 3:8

Ariya e na ijo anjam endi kobotqa osiy niŋgi endegsi merŋgwai. Niŋgi kalil koba na geregere are qujaitosib soqniye. Sosibqa tamo kalil naŋgi qa duloqnsib Qotei aqa tamo uŋgasari naŋgi dego qalaqalainjroqnsib naŋgi qa are boleiŋgoqneme. Osib nuŋgo segi ñam aguq atoqniye.