1 Korin 12:25 - Yesus Aqa Anjam Bole

²⁵ Gago jejamu a poosim segisegiaim deqa Qotei a degyeqnu. Yim jejamu sarqei kalil naŋgi segi segi geregereinjroqnqajqa deqa.

1 Korin 12:25 ပူးပေါင်းရင်းမြစ်များ

1 Korin 12:24

Ariya gago jejamu sarqei qudei naŋgi uno boledamu. Deqa iga na naŋgi kabutnjrosaieqnum. Qotei na gago jejamu sarqei kalil eleŋosiqa jejamu qujaiq di turtsiq atej unub. Deqa gago jejamu sarqei qudei ñam saiqoji unub qaji naŋgi di Qotei na olo ñam soqtetnjreqnu.

1 Korin 12:26

Deqa jejamu sarqei bei a jaqatiŋ oqas di jejamu sarqei kalil naŋgi dego jaqatiŋ oqab. Jejamu sarqei qujai a ñam koba oqas di jejamu sarqei kalil naŋgi a ombla na areboleboleinjrqas.

1 Korin 3:3

Di kiyaqa? Niŋgi nuŋgo areqalo namij dauryeqnub deqa. Agi niŋgi nuŋgo was naŋgi qa are ugeiŋgeqnaqa ombla anjam na qotoqnsib laqnub. Nuŋgo kumbra di jejamu qa kumbra uge. Di mandam qaji tamo naŋgo kumbra.

2 Korin 13:11

Ariya was qu, e ijo anjam getentqai. Niŋgi kalil kaiye. Niŋgi torei Kristen tamo uŋgasari boledamu sqajqa siŋgilaoqniye. Niŋgi ijo anjam quoqnsib dauryoqniye. Niŋgi kalil areqalo qujaitosib soqniye. Yim Qotei a niŋgi ti sqas. Agi a na niŋgi tulaŋ qalaqalaiŋgoqnsiq lawo kumbra eŋgeqnu.

2 Korin 7:12

O was qu, e nami anjam neŋgreŋyosim niŋgi qa qariŋyem. Niŋgi na tamo une atej qaji aqa une gereiyetqajqa e deqa are qalsim anjam di neŋgreŋyosai. Tamo agi tamo dena une yej qaji a qa dego are qalsim anjam di neŋgreŋyosai. Niŋgi na iga tulaŋ qalaqalaigeqnub nuŋgo kumbra di Qotei a unsim boleq atim niŋgi qalieqajqa deqa e anjam di neŋgreŋyem.

2 Korin 8:16

Ariya e Qotei biŋiyeqnum. Di kiyaqa? A na Taitus are pruqtetej deqa a iga ti are qujaitosiqa a dego niŋgi aqaryaiŋgwajqa siŋgilaej.