1 Korin 11:30 - Yesus Aqa Anjam Bole

³⁰ Utru deqa nuŋgo ambleq di tamo uŋgasari gargekoba naŋgi siŋgila saiqoji sosib mainjreqnu. Osib naŋgi qudei moreŋeqnub.

1 Korin 11:30 ပူးပေါင်းရင်းမြစ်များ

Aposel 13:36

Niŋgi qalie, Devit a mandor koba sosiqa Qotei aqa areqalo dauryoqnsiqa Israel tamo uŋgasari naŋgi geregere taqatnjroqnej. Bunuqna a moinaqa aqa jejamu osib subq ateb. Aqa moma naŋgi nami subq ateleŋeb a degsib subq ateb. Onaqa aqa jejamu subq di qusaej.

Aposel 7:60

Degsi pailyosiqa siŋga tombol na awoosiq tulaŋ koba maosiq marej, “O Tamo Koba Yesus, naŋgi e lubonub naŋgo une deqa marsim kambatnjraime. Naŋgo une di kobotetnjrime.” A degsi pailyosiqa moiej.

1 Korin 11:29

Di kiyaqa? Tamo a mati Yesus aqa jejamu qa geregere are qalosaiosim bem ti wain gambaŋ ti di uyqas di a unetqas. Deqa Qotei na a kamba gulube yqas.

1 Korin 11:31

Ariya iga gago segi so geregere peleiyosim bem ti wain gambaŋ ti di uyqom di iga une ti sqasai. Deqa Qotei na iga gulube egwasai.

1 Korin 11:32

Ariya Tamo Koba Qotei a gago kumbra uge qudei unoqnsiq deqa iga gulube egeqnu di a gago kumbra tingitetgwajqa deqa. Yim mondoŋ iga tamo kalil mandamq endi unub qaji naŋgi ti une osim padalo uge.

1 Korin 15:51

Deqa e na uli anjam bei niŋgi endegsi merŋgwai. Iga kalil moiqasai. Ariya iga kalil jejamu bulyosim jejamu bunuj oqom.

1 Tesalonaika 4:14

Yesus a moisiqa olo subq na tigelej anjam di iga gago areqaloq di siŋgilatejunum. Deqa iga qalieonum, mondoŋ Qotei a Yesus aqa siŋgila na Kristen tamo uŋgasari nami moreŋeb qaji naŋgi olo subq na tigeltnjrqas. Yimqa naŋgi Yesus dauryosib koba na olo mandamq aiqab.

Uli Anjam 3:19

Tamo naŋgi e qalaqalainjreqnum qaji di e na olo ŋiriŋtnjroqnsim gereinjreqnum. Deqa ni are siŋgilatosim ino segi kumbra gereiyosim are bulye.