1 Korin 11:29 - Yesus Aqa Anjam Bole

²⁹ Di kiyaqa? Tamo a mati Yesus aqa jejamu qa geregere are qalosaiosim bem ti wain gambaŋ ti di uyqas di a unetqas. Deqa Qotei na a kamba gulube yqas.

1 Korin 11:29 ပူးပေါင်းရင်းမြစ်များ

Luk 7:34

Ariya e Tamo Aŋgro bosimqa iŋgi ti wain ti uyeqnamqa niŋgi e nuboqnsib mareqnub, ‘Niŋgi uniye. Yesus a qunjaŋ ani. A wain uyo ani. A takis o qaji tamo ti une tamo ti naŋgi koba na walweleqnub.’

Rom 13:2

Deqa tamo naŋgi mandor kokba naŋgo anjam gotraŋyqab di naŋgi Qotei aqa anjam dego gotraŋyonub. Naŋgo kumbra dena naŋgi awai uge oqab.

1 Korin 11:27

Deqa tamo bei a kumbra uge na Tamo Koba Yesus aqa bem ti wain gambaŋ ti di uyqas di a na Yesus aqa jejamu ti leŋ ti dego ugetqas. Dena a unetqas.

1 Korin 11:28

Deqa tamo bei a bem ti wain gambaŋ ti di uyqa osimqa a mati aqa segi so geregere peleiyosim di a uyqas.

1 Korin 11:30

Utru deqa nuŋgo ambleq di tamo uŋgasari gargekoba naŋgi siŋgila saiqoji sosib mainjreqnu. Osib naŋgi qudei moreŋeqnub.

Hibru 5:14

Ariya tamo naŋgi kokbaonub qaji naŋgi iŋgi siŋgila uyeqnub. Naŋgi bati gargekoba Qotei aqa anjam dauryoqneb deqa naŋgi kumbra bole ti kumbra uge ti geregere peginjreqnub.

Jems 3:1

O ijo was qu, nuŋgo ambleq di tamo gargekoba naŋgi Qotei aqa anjam plaltqa wau ojaib. Di kiyaqa? Mondoŋ tamo peginjrqa batiamqa Qotei na iga anjam plalto tamo gago wau di geregere tenemtosim iga pegigwas.

Jems 5:12

O was qu, e anjam kobaquja bei unu. Anjam agiende. Niŋgi anjam bei marqa osibqa iŋgi bei na siŋgilataib. Niŋgi laŋ qure aqa ñam na anjam siŋgilataib. Niŋgi mandam aqa ñam na anjam siŋgilataib. Anjam boleamqa od qa mariye. Anjam bolesaiamqa said qa mariye. Niŋgi degyqab di Qotei na niŋgi awai uge bei eŋgwasai.