1 Korin 11:19 - Yesus Aqa Anjam Bole

¹⁹ Di kiyaqa? E endegsi are qalonum. Niŋgi pupoabqa dena niŋgi poiŋgwas, nuŋgo ambleq di tamo yai naŋgi Qotei aqa kumbra bole tiŋtiŋ dauryeqnub.

1 Korin 11:19 ပူးပေါင်းရင်းမြစ်များ

Matyu 18:7

“Mandamq endia tamo qudei naŋgi na tamo qudei naŋgi kumbra ugeq breinjreqnub. Bole, kumbra di gaigai brantoqnqas. Ariya tamo naŋgi kumbra di yeqnub qaji naŋgi tulaŋ padalougetqab.

Luk 17:1

Yesus a anjam degsi marsiq kobotosiqa aqa aŋgro naŋgi endegsi minjrej, “Kumbra qudei na tamo uŋgasari naŋgi uneq breinjroqnqas. Bole, kumbra di brantoqnqas. Ariya tamo a kumbra di babtoqnqas qaji a tulaŋ padalougetqas.

Luk 2:35

Deqa tamo gargekoba naŋgo areqalo uliejunu qaji di olo boleq dqas. Yimqa serie na ino are qametmo bul are jaqatiŋ oqnqam.”

Aposel 15:5

Naŋgi kalil qusibqa tamo qudei nami Farisi naŋgo ambleq di soqneb qaji naŋgi tigelosib mareb, “Sawa bei bei qaji tamo naŋgi Yesus qa naŋgo areqalo siŋgilatqa osib muluŋ dego unsib Moses aqa dal anjam dauryoqnqab di kere. Naŋgi Yesus qa naŋgo areqalo laŋa siŋgilatqab di keresai.”

Aposel 20:30

Nuŋgo ambleq dena dego gisaŋ anjam maro tamo qudei naŋgi tigelosib Qotei aqa anjam bole bulbulyoqnsibqa gisaŋ anjam merŋgoqnqab. Yibqa Yesus aqa tamo uŋgasari naŋgi qusibqa Qotei aqa anjam bole ulontosib naŋgi daurnjrqab.

Aposel 24:14

“Ijo une qujai agiende. E Yesus aqa gam dauryeqnum. Juda tamo kokba naŋgi mareqnub, ‘Gam di bolesai. Gam dena tamo uŋgasari naŋgi ŋiriŋoqnsib poeleŋeqnub.’ Gam di qujai e dauryoqnsimqa gago moma naŋgo Qotei qa louoqnsimqa Moses aqa dal anjam ti Qotei aqa medabu o tamo naŋgo anjam nami neŋgreŋyeb qaji deqa ti ijo areqalo siŋgilatejunum.

Aposel 24:5

Iga tamo endi uneqnum, a tamo uge. A kumbra uge uge yoqnsi laqnsiqa Juda tamo uŋgasari sawa sawa kalilq di unub qaji naŋgo areqalo ugetetnjreqnaqa naŋgi ŋiriŋkobaoqnsibqa qoto tigelteqnub. A na tamo uŋgasari naŋgi joqoqnsiqa minjreqnu, ‘Niŋgi Nasaret tamo Yesus dauryiye.’

Aposel 26:5

Naŋgi nami ijo kumbra qa qaliesoqneb. Ni na naŋgi nenemnjrimqa degsib mermqab. Farisi naŋgo dal anjam dauryqajqa tulaŋ wau koba. Gago Juda gago dal anjam ti keresai. E aŋgro wala qa sosimqa e Farisi naŋgo ambleq di sosim e naŋgo kumbra dauryoqnem. Juda tamo kokba naŋgi di qalie.

Aposel 28:22

Deqa ni segi na ino anjam mergim iga quqwom. Iga qalieonum, sawa sawa kalilq dia tamo uŋgasari naŋgi Yesus aqa anjam bunuj di misiliŋyeqnub.” Juda tamo kokba naŋgi na Pol degsib minjeb.

Aposel 5:17

Yesus aqa aŋgro 12-pela naŋgi kumbra degyeqnabqa atra tamo gate aqa wau qujai agi Sadyusi naŋgi ti koba na unsib minjiŋ oqetnjrnaqa naŋgi ojeleŋosib tonto talq di breinjrnab soqneb.

1 Korin 11:20

Deqa e qalieonum, niŋgi Qotei louqa koroeqnub di niŋgi Tamo Koba Yesus aqa iŋgi uyqajqa deqa sai.

2 Korin 12:20

Di kiyaqa? E niŋgi qa ulaeqnum. E niŋgi qa bosiy nuŋgo kumbra unsiy e niŋgi qa areboleboleibqas kio sai kio? Niŋgi dego ijo kumbra unsib niŋgi e qa areboleboleiŋgwas kio sai kio? E deqa ulaeqnum. E niŋgi qa bosiy nuŋgo kumbra endegsi unqai kio? Niŋgi anjam na qoteqnub. Niŋgi nuŋgo was naŋgi qa are ugeiŋgeqnu. Niŋgi minjiŋ oqeqnu. Niŋgi pupoeqnub. Niŋgi nuŋgo was qudei naŋgi misiliŋnjreqnub. Niŋgi yomueqnub. Niŋgi diqeqnub. Niŋgi Qotei aqa wau ugeugeiyeqnub. E degsi unqai kio?

Galesia 5:20

gisaŋ qotei qa louoqa, gumaniŋoqa, was bei jeutoqa, ŋiriŋoqa, was bei aqa iŋgi iŋgi qa maulyoqa, minjiŋ oqoqa, are ugeoqa, ino segi jejamu qa are qalsim anjam na qotoqa, was naŋgi potoaiyeltnjroqa,

Taitus 3:10

Tamo bei na Kristen tamo uŋgasari naŋgo areqalo ugetetnjrsim naŋgi segi seginjrimqa ni na tamo di minjimqa aqa kumbra di uratem. A na ni quetmosaiamqa ololo minje. Minjimqa olo quetmosaiamqa ni a uratosim torei qoreiye.

1 Jon 2:19

Jeu tamo naŋgi di nami gago ambleq di soqneb. Sosib olo bunuqna iga uratgosib jaraieb. Di kiyaqa? Naŋgi Kristen tamo bolesai deqa. Naŋgi Kristen tamo bole qamu naŋgi iga ti unum qamu. Ariya naŋgi iga uratgosib jaraieb deqa iga qalieonum, naŋgi Kristen tamo bolesai.