1 Korin 11:16 - Yesus Aqa Anjam Bole

¹⁶ O was qu, tamo bei a ijo anjam deqa ŋiriŋosim gotraŋyqas di a endegsi poiyem. Iga kumbra bei dauryosaieqnum. Qotei aqa tamo uŋgasari qure qure kalilq di unub qaji naŋgi dego kumbra bei dauryosaieqnub.

1 Korin 11:16 ပူးပေါင်းရင်းမြစ်များ

Aposel 21:21

Deqa tamo qudei naŋgi na ino jejamu laŋa gisaŋyoqnsib Juda naŋgi endegsib minjreqnub, ‘Pol a na Juda tamo uŋgasari sawa bei beiq di unub qaji naŋgi Moses aqa dal anjam dauryqa saidnjroqnsiq endegsi minjreqnu, “Nuŋgo aŋgro naŋgi muluŋ breinjraib. Juda kumbra dego Moses nami merŋgej qaji di uratiye. Di dauryaib.” ’ Naŋgi degsib ino jejamu laŋa gisaŋyoqnsib Juda tamo uŋgasari naŋgi minjreqnub.

Aposel 21:24

Deqa ni naŋgi joqsim atra tal miligiq gilsim une kobotqajqa kumbra Moses a nami marej qaji di naŋgi koba na dauryosib yiye. Osim wagme awaiyetnjrimqa naŋgi na Qotei atraiyosib naŋgo gate baŋga ti mejuŋgum ti joqwab. Ni degyimqa Juda tamo kalil naŋgi ni numsib endegsib qalieqab, ‘Bole, Pol a dego Moses aqa dal anjam dauryo qaji tamo. Anjam naŋgi a qa mareqnub qaji di bolesai.’ Naŋgi degsib qalieosib ni qa boleqab.

1 Korin 11:15

Ariya uŋa naŋgo gate baŋga mariŋ uratqab di bolequja. Di naŋgo wala bole. Naŋgo gate baŋga di Qotei na enjreqnu deqa gate baŋga dena naŋgo gate kabuteqnu.

1 Korin 16:1

Ariya was qu, niŋgi silali koroiyosib Qotei aqa tamo uŋgasari Jerusalem di unub qaji naŋgi aqaryainjrqajqa deqa niŋgi merŋgwai. Silali koroiyqajqa gam di e nami Qotei aqa tamo uŋgasari Galesia sawaq di unub qaji naŋgi osornjrnam naŋgi dauryeb. Ariya e na niŋgi dego gam di osorŋgit dauryiye.

1 Korin 4:5

Qotei na tamo naŋgo une qa peginjrqa bati brantosaiunu deqa niŋgi na tamo qudei naŋgi une ti qa minjraib. Niŋgi mati tariŋesoqnibqa mondoŋ Tamo Koba Yesus a bosimqa a segi na iŋgi iŋgi kalil ambruq di uliejunub qaji di suwaŋoq di atqas. Osim tamo kalil naŋgo areqalo dego boleq atqas. Yim bati deqa Qotei a gago segi segi kumbra geregere pegiyosim mergwas.

1 Korin 7:17

Gam Qotei na iga segi segi dauryqa marsiq giltgej qaji di iga dauryosim sqom. Iga nami gam kie dauryosim sonamqa Qotei na iga metgej degsim olo dauryosim sqom. Anjam di agi e na Kristen tamo uŋgasari sawa sawa kalilq dia koroosib loueqnub qaji naŋgi minjre minjre laqnum.

1 Korin 9:1

Niŋgi ijo kumbra uniye. E kumbra kie yqa are sqas e yqai. Qotei na e qariŋbej deqa e aqa anjam marsim laqnum. E ijo segi ŋamdamu na gago Tamo Koba Yesus unem. E nuŋgo ambleq di Tamo Koba Yesus aqa wau ojem dena niŋgi are bulyosib Kristen tamo branteb. Niŋgi ijo kumbra deqa qaliesai kio?

1 Korin 9:6

Aqo Barnabas wo segi gago baŋ na wauoqnsim dena silali oqnqom e? Yesus aqa wau tamo qudei naŋgi degyqasai e?”

1 Tesalonaika 2:14

O was qu, tamo uŋgasari Judia sawaq dia Kristus Yesus beteryesosib Qotei aqa ñam qa koroosib loueqnub qaji naŋgo kumbra agi niŋgi dego degsib dauryeqnub. Agi Juda naŋgi na Qotei aqa tamo uŋgasari Judia sawaq di unub qaji naŋgi gulube koba enjroqneb dego kere niŋgi dego nuŋgo segi leŋ naŋgi na gulube koba eŋgeqnub.