1 Korin 10:31 - Yesus Aqa Anjam Bole

³¹ Deqa niŋgi iŋgi ti ya ti uyqa oqnsib niŋgi Qotei aqa ñam soqtetoqnsib uyoqniye. Niŋgi kumbra bei yqa oqnsib niŋgi Qotei aqa ñam soqtetoqnsib yoqniye.

1 Korin 10:31 ပူးပေါင်းရင်းမြစ်များ

Luk 11:41

Deqa iŋgi iŋgi kalil nuŋgo are miligiq di unu qaji di niŋgi eleŋosib tamo iŋgi iŋgi saiqoji unub qaji naŋgi enjroqniye. Niŋgi kumbra degyibqa nuŋgo iŋgi iŋgi kalil milalesqas.

1 Korin 7:34

Deqa naŋgi areqalo aiye aiyeltoqnsib unub. Duŋgeŋge naŋgi ti uŋa naŋgi tamo osai qaji naŋgi ti dego Tamo Koba Yesus aqa kumbra dauryqajqa are qaloqnsib unub. Deqa naŋgi Qotei aqa kumbra boleq di sosib naŋgo segi jejamu ti qunuŋ ti torei Qotei yekriteqnub. Ariya uŋa naŋgi tamo ti unub qaji naŋgi mandam qa iŋgi iŋgi qa are qaloqnsib unub. Deqa kumbra naŋgo tamo a areareteqnu qaji di naŋgi yoqnsib unub.

Kolosi 3:17

Nuŋgo anjam maro na ti nuŋgo wau na ti nuŋgo kumbra kalil na ti niŋgi Tamo Koba Yesus aqa ñam na yoqniye. Osib niŋgi aqa ñam na Qotei Abu biŋiyoqniye.

Kolosi 3:23

Wau kalil niŋgi yeqnub qaji di niŋgi siŋgila na yoqniye. Niŋgi mandam tamo naŋgi qa wauosaieqnub. Niŋgi Tamo Koba Yesus qa waueqnub.

1 Pita 4:11

Nuŋgo ambleq di tamo bei a anjam palontqa wau osimqa a Qotei aqa anjam geregere palontoqneme. Nuŋgo ambleq di tamo bei a tamo naŋgi aqaryainjrqajqa wau osimqa Qotei na a siŋgila yimqa a siŋgila dena wauoqneme. Yimqa wau kalil niŋgi yeqnub qaji di tamo naŋgi unsibqa Yesus Kristus aqa ñam na Qotei aqa ñam tulaŋ soqtoqnqab. Yesus Kristus a bati gaigai ñam koba ti siŋgila ti sqas. Bole.