1 Korin 10:29 - Yesus Aqa Anjam Bole

²⁹ Niŋgi segi unetqab e deqa merŋgosai. Tamo anjam merŋgwo qaji a are qalqas, niŋgi unetonub. E deqa niŋgi merŋgonum. Ariya Kristen was deqaji bei sosaiamqa e iŋgi uyqa are soqnim uyqai. Di une sai. Kiyaqa e tamo bei aqa areqalo dauryosiy iŋgi getentqai?

1 Korin 10:29 ပူးပေါင်းရင်းမြစ်များ

Luk 4:18

“Tamo Koba Qotei na e giltbej deqa aqa Mondor ijoq di unu. A na e giltbosiqa endegsi merbej, ‘Ni na tamo uge uge naŋgi ijo anjam bole plaltosim minjroqne.’ Agi Qotei na e qariŋbonaq mandamq aiem deqa e na tamo uŋgasari naŋgo segi une na siŋgila na ojejunu qaji naŋgi Qotei aqa anjam bole minjroqnitqa naŋgo une uratoqnqab. E na tamo ŋam qandimo unub qaji naŋgi boletnjroqnitqa naŋgi olo ŋamdamu poinjroqnqas. Tamo naŋgi naŋgo jeu tamo na ugeugeinjreqnub qaji naŋgi aqaryainjroqnitqa naŋgo gulube kobooqnqas.

1 Korin 10:32

Niŋgi na Juda tamo ti Grik tamo ti Qotei aqa segi tamo uŋgasari naŋgi ti kumbra uge bei enjraib. Yim naŋgi dena ululoŋosib uneq aio uge.

1 Korin 9:1

Niŋgi ijo kumbra uniye. E kumbra kie yqa are sqas e yqai. Qotei na e qariŋbej deqa e aqa anjam marsim laqnum. E ijo segi ŋamdamu na gago Tamo Koba Yesus unem. E nuŋgo ambleq di Tamo Koba Yesus aqa wau ojem dena niŋgi are bulyosib Kristen tamo branteb. Niŋgi ijo kumbra deqa qaliesai kio?

1 Korin 9:19

E kumbra bei yqa are sqas e yqai. E tamo bei aqa sorgomq di sosai. Ariya e ijo segi areqalo na tamo kalil naŋgo sorgomq di sosim naŋgi qa wauoqnsim dena e na tamo gargekoba naŋgi are bulyetnjreqnam naŋgi Kristus aqaq beqnub.

2 Korin 8:21

Di kiyaqa? Iga kumbra bole segi dauryqajqa deqa. Iga Tamo Koba Qotei aqa ŋamgalaq di segi kumbra bole yqajqa are qalosai. Iga tamo uŋgasari naŋgo ŋamgalaq di dego kumbra bole yqajqa are qaleqnum.

1 Tesalonaika 5:22

Osib kumbra uge kalil uratoqniye.