1 Korin 10:25 - Yesus Aqa Anjam Bole

²⁵ Niŋgi maket dena damu awaiyoqnsib uyoqniye. Damu di nami sulum naŋgi atrainjroqneb kio sai kio niŋgi deqa are koba qalsib nenemoqnaib. Niŋgi osib uyoqniye.

1 Korin 10:25 ပူးပေါင်းရင်းမြစ်များ

Aposel 10:15

Onaqa Qotei na olo Pita minjej, “Iŋgi iŋgi kalil e na bole qa maronum qaji di ni na olo uge qa maraim.”

Rom 13:5

Deqa iga sawa taqato qaji mandor kokba naŋgo sorgomq di sqom. Iga awai uge oqa uratosim naŋgo anjam dauryqom. Deqa segi sai. Iga gago are miligiq di qalieonum, kumbra di bole. Osim deqa ti iga naŋgo anjam dauryqom.

Rom 14:14

Tamo Koba Yesus a na e powo ebej deqa e qalieonum, iŋgi iŋgi kalil Qotei na ateleŋej qaji di aqa ŋamgalaq di jiga bei saiqoji. Ariya Kristen was bei a iŋgi bei qa endegsi are qalqas, “Iŋgi di jigat.” A degsi are qalqas deqa a iŋgi di getentqas.

1 Korin 8:7

Ariya Kristen tamo qudei naŋgi anjam deqa geregere poinjrosaiunu. Naŋgi nami iŋgi iŋgi oqnsib gisaŋ qotei naŋgo sulum atrainjroqneb deqa bini naŋgi endegsib are qaleqnub, “Iga sulum atrainjro qaji iŋgi di uyqom di iga sulum naŋgi di olo atrainjroqnqom. Dena iga unetqom.” O was qu, naŋgi powo bole osai deqa naŋgi degsib are qaleqnub.

1 Timoti 4:4

Iga qalie, iŋgi iŋgi kalil Qotei na atej qaji di bole. Deqa iga iŋgi bei getentqasai. Iga Qotei biŋiyoqnsim iŋgi iŋgi kalil di oqnqom.

Taitus 1:15

Tamo uŋgasari Qotei aqa ŋamgalaq di une saiqoji unub qaji naŋgi mareqnub, “Iŋgi iŋgi kalil Qotei na atej qaji di jiga saiqoji.” Osib uyeqnub. Ariya tamo uŋgasari kumbra jigat dauryoqnsib Kristus qa naŋgo areqalo siŋgilatosaieqnub qaji naŋgi mareqnub, “Iŋgi iŋgi kalil Qotei na atej qaji di jigat.” Osib uyqa urateqnub. Di kiyaqa? Naŋgo areqalo ti naŋgo are miligi ti di tulaŋ jigat deqa.