1 Korin 10:19 - Yesus Aqa Anjam Bole

¹⁹ Sulum atrainjro qaji iŋgi iŋgi di atraiyqa iŋgi bole e degaib. E degsi marosai. Sulum naŋgi di qotei bole e degaib. E degsi marosai.

1 Korin 10:19 ပူးပေါင်းရင်းမြစ်များ

Aposel 19:26

Ariya Pol a na gago wau endi ugeteqnu. Agi a gam endena ugeteqnu. A na tamo uŋgasari gargekoba naŋgi are tigeltetnjroqnsiqa minjreqnu, ‘Tamo naŋgi baŋ na qotei gereiyo qaji di qotei bolesai. Di qotei gisaŋ.’ Yeqnaqa naŋgi aqa anjam di dauryosib qotei Artemis qoreiyeqnub. Osib naŋgi Artemis aqa atra tal sulum dego awaiyqa urateqnub. Pol aqa kumbra di niŋgi uneqnub. Aqa anjam di dego niŋgi queqnub. Aqa kumbra di Efesus qureq endia segi yosai. Esia sawa keretoqnsiqa dia dego a kumbra di yeqnu.

1 Korin 1:28

Tamo naŋgi mandamq endia ñam ti unub qaji naŋgi na olo tamo Qotei na giltnjrej qaji naŋgi ñam saiqoji qa minjroqnsib tamo uge qa minjreqnub. Ariya tamo ñam saiqoji qa minjreqnub qaji naŋgi di Qotei na giltnjrej deqa tamo ñam ti unub qaji naŋgo ñam koba di Qotei na olo aguq ateqnu.

1 Korin 10:14

Deqa ijo was bole, niŋgi qotei gisaŋ naŋgi atsib naŋgi qa louoqnaib. Niŋgi naŋgi torei uratnjrsib isaq giliye.

1 Korin 13:2

E Qotei aqa medabu osiy anjam palontoqnqai kio e Qotei aqa uli anjam kalil qalieosiy utru babteleŋqai kio e qalie koba ti sqai kio e Qotei qa ijo areqalo tulaŋ siŋgilatosiy deqa mana kobaquja minjitqa a ijo anjam dauryosim tigelosim sawa beiq gilqas kio ariya e qalaqalaiyo kumbra dauryqasai di ijo kumbra kalil di Qotei aqa ŋamgalaq di kumbra bolesai.

1 Korin 3:7

Deqa tamo a iŋgi yageqnu qaji a ñam saiqoji. Tamo a wau taqateqnu qaji a dego ñam saiqoji. Ariya Qotei iŋgi boleteqnu qaji a segi ñam koba ti.

1 Korin 8:4

Deqa e na sulum atrainjro qaji iŋgi iŋgi uyqajqa kumbra qa niŋgi endegsi merŋgwai. Mandamq endia sulum naŋgi unub di naŋgi qotei bolesai. Naŋgi laŋa gisaŋ qotei naŋgi sigitejunub. Qotei bole agi a segi qujai unu. Qotei bei sosai. Di iga qalieonum.

2 Korin 12:11

Anjam e mareqnum endi nanari anjam. Di nuŋgo une. Agi niŋgi na ijo areqalo tigeltetbeqnub deqa e nanari anjam endi mareqnum. Niŋgi ijo kumbra bole qa marqa kere. Ariya niŋgi marqa urateqnub. Deqa e segi ijo kumbra bole qa mareqnum. Bole, e tamo bolesai. Ariya niŋgi na olo tamo qudei naŋgo ñam soqtoqnsib mareqnub, “Tamo naŋgi di Qotei aqa wau tamo bolequja.” Ariya tamo naŋgi dena e buŋbosai.