1 Korin 10:16 - Yesus Aqa Anjam Bole

¹⁶ Wain gambaŋ iga Qotei pailyosim uyeqnum qaji di iga Kristus aqa leŋ qa are qalsim deqa a ti korooqnsim uyeqnum. Bem iga giŋgeŋyosim uyeqnum qaji di iga Kristus aqa jejamu qa are qalsim deqa a ti korooqnsim uyeqnum.

1 Korin 10:16 ပူးပေါင်းရင်းမြစ်များ

Luk 22:17

Osiqa a wain osiqa gambaŋq di bilentosiqa Qotei pailyosiqa aqa aŋgro naŋgi endegsi minjrej, “Niŋgi wain gambaŋ endi osib uyiye.

Aposel 2:42

Tamo uŋgasari Yesus qa naŋgo areqalo siŋgilateb qaji naŋgi bati gaigai Yesus aqa aŋgro 12-pela naŋgo anjam quoqnsib dauryoqneb. Naŋgi bati gaigai are qujaitoqnsib bem gentosib uyoqnsibqa Qotei pailyosib soqneb.

Aposel 2:46

Naŋgi bati gaigai naŋgo areqalo qujaitosib sosibqa Juda naŋgo atra tal miligiq dia korooqnsib louoqneb. Naŋgo segi segi talq dia dego korooqnsibqa bem gentosib uyoqneb. Naŋgi kalil arebolebole ti lawo na sosibqa Qotei aqa ñam soqtoqnsib koba na iŋgi uyoqneb. Degyeqnabqa tamo kalil naŋgi Yesus aqa tamo uŋgasari naŋgo kumbra di unoqnsibqa naŋgi qa tulaŋ areboleboleinjroqnej. Bati gaigai tamo uŋgasari qudei naŋgi are bulyeqnab Tamo Koba Qotei na naŋgi eleŋeqnaqa naŋgi boqnsib tamo nami Yesus qa naŋgo areqalo siŋgilateb qaji naŋgo miligiq aioqnsib koba na soqneb.

Aposel 20:11

Pol a na naŋgi degsi minjrsiqa olo warum gogeq oqsiqa dia bem giŋgeŋyonaqa naŋgi uyeb. Uynabqa Pol na olo anjam olekoba naŋgi minjreqnaqa nebeej. Nebeonaqa Pol a naŋgi uratnjrsiqa aiqa osiqa endegsi minjrej, “O ijo was niŋgi quiye. E aieqnum. Deqa niŋgi bole soqniye.”

Aposel 20:7

Onaqa Juda naŋgo yori bati koboonaqa qolo iga na Kristen naŋgi koroinjrsimqa naŋgi koba na bem gentosim uyem. Bem uyeqnamqa Pol na Qotei aqa anjam minjroqnej. A anjam olekoba mareqnaq qolo jigeej. Di kiyaqa? Nebeamqa a naŋgi uratnjrsim aiqajqa deqa.

1 Korin 1:9

Niŋgi Qotei aqa Ŋiri gago Tamo Koba Yesus Kristus a ombla areqalo qujaitosib sqajqa deqa Qotei na niŋgi metŋgej. Kumbra kalil Qotei a nami niŋgi eŋgwajqa marej qaji di a na eŋgwas.

1 Korin 10:15

Niŋgi powo ti unub deqa e na anjam di niŋgi merŋgonum. Deqa niŋgi ijo anjam di qusib geregere peleiyiye.

1 Korin 12:13

Di kiyaqa? Qotei aqa Mondor a segi qujai na iga kalil eleŋosiqa turtgej deqa iga kalil tamo qujaionum. Iga Juda tamo ti Grik tamo ti kaŋgal tamo ti tamo laŋaj ti kalil Qotei aqa Mondor qujai di osim a ya jumbum bul uyoqnsim dena iga siŋgila eqnum.

Hibru 3:14

Iga nami siŋgila na Qotei qa gago areqalo siŋgilatem. Ariya gago areqalo di iga olo tulaŋ siŋgila na ojsimqa gilsim gilsim moiqom. Iga degyqom di iga Kristus aqa segi tamo uŋgasari tiŋtiŋ sqom.

1 Jon 1:3

Iga Anjam di gago ŋamdamu na unoqnem. Iga a quoqnem. Deqa iga a qa niŋgi dego merŋgeqnum. Yim niŋgi qusibqa iga ti areqalo qujaitosim sqajqa deqa. O was qu, iga gago Abu Qotei wo aqa Ŋiri Yesus Kristus wo naŋgi ti koba na areqalo qujaitosim unum.

1 Jon 1:7

Qotei a suwaŋoq di unu dego kere iga dego suwaŋoq di walwelqom di iga Qotei aqa tamo uŋgasari kalil naŋgi ti areqalo qujaitosim sqom. Soqnimqa Qotei aqa Ŋiri Yesus aqa leŋ aiej qaji dena gago une kalil kobotetgoqnimqa iga aqa ŋamgalaq di tamo bole une saiqoji sqom.