1 Korin 10:14 - Yesus Aqa Anjam Bole

¹⁴ Deqa ijo was bole, niŋgi qotei gisaŋ naŋgi atsib naŋgi qa louoqnaib. Niŋgi naŋgi torei uratnjrsib isaq giliye.

1 Korin 10:14 ပူးပေါင်းရင်းမြစ်များ

Aposel 15:20

Iga anjam qujai endegsim neŋgreŋyosim naŋgoq qariŋyqom, ‘O was qu, niŋgi na qotei gisaŋ atrainjro qaji iŋgi bei uyaib. Niŋgi sambala kumbra yaib. Wagme sil na kakoro tontnjrnab moreŋeb qaji di niŋgi uyaib. Wagme leŋ ti dego uyaib.’ Iga anjam qujai di neŋgreŋyosim sawa bei bei qaji tamo naŋgoq qariŋyqom.

Rom 12:19

O ijo was bole, tamo qudei naŋgi na niŋgi gulube eŋgibqa niŋgi na kamba naŋgi gulube enjraib. Uratosib Qotei aqa baŋq di naŋgi atib a segi naŋgi qa minjiŋ oqim gulube enjrqas. Agi Tamo Koba Qotei aqa anjam bei nami endegsib neŋgreŋyeb unu, “Une kambatqajqa wau di ijo segi wau. E segi na tamo naŋgo une qa naŋgi kambatnjrqai.

1 Korin 10:15

Niŋgi powo ti unub deqa e na anjam di niŋgi merŋgonum. Deqa niŋgi ijo anjam di qusib geregere peleiyiye.

1 Korin 10:19

Sulum atrainjro qaji iŋgi iŋgi di atraiyqa iŋgi bole e degaib. E degsi marosai. Sulum naŋgi di qotei bole e degaib. E degsi marosai.

1 Korin 10:7

Deqa niŋgi qotei gisaŋ atsib naŋgi qa louoqnaib. Agi gago moma qudei naŋgi qotei gisaŋ atsib naŋgi qa louoqneb. Agi Qotei aqa anjam bei nami endegsib neŋgreŋyeb unu, “Naŋgi korooqnsib iŋgi ti ya ti uyoqnsib olo tigeloqnsib uŋa ti alaŋoqneb.”

1 Korin 5:11

Ariya tamo bei a marqas, “E nuŋgo Kristen was bole.” Osim a olo sambala kumbra yqas kio tamo bei aqa ñoro qa maulyqas kio gisaŋ qotei qa louqas kio tamo naŋgi misiliŋnjrqas kio ya uge uyoqnsim nanarioqnqas kio gisaŋ na tamo naŋgo silali yainjrqas kio Kristen tamo di niŋgi koba na laqnaib. Niŋgi a ombla iŋgi uyoqnaib dego. Agi e nami anjam deqa neŋgreŋyosim niŋgi qa qariŋyem.

2 Korin 11:11

E kiyaqa ijo segi ñam soqteqnum? E niŋgi qalaqalaiŋgosaieqnum deqa kio e ijo segi ñam soqteqnum? Deqa sai. Qotei a qalieqo, e niŋgi tulaŋ qalaqalaiŋgeqnum.

2 Korin 12:15

E na ijo iŋgi iŋgi kalil ti ijo jejamu dego niŋgi torei eŋgwajqa areboleboleibqo. E niŋgi tulaŋ qalaqalaiŋgeqnum. Ariya kiyaqa niŋgi kamba olo e kiñala segi qalaqalaibeqnub?

2 Korin 12:19

Niŋgi gago anjam kalil endi sisiyosib iga qa endegsib are qalaib, “Naŋgi anjam neŋgreŋyeqnub di naŋgo segi jejamu une saiqoji qa marsib deqa neŋgreŋyeqnub.” Di sai. Iga Kristus aqa tamo deqa iga Qotei aqa ŋamgalaq di anjam endi neŋgreŋyeqnum. O ijo was bole, anjam kalil iga neŋgreŋyeqnum qaji endi niŋgi siŋgilatŋgwajqa deqa neŋgreŋyeqnum.

2 Korin 6:17

Tamo Koba Qotei a nami degsi marsiqa olo anjam bei dego endegsi marej, “‘Niŋgi na tamo uŋgasari e qa qaliesai qaji naŋgi uratnjrsib sasaloiye. Niŋgi kumbra jigat bei ojaib. Yim deqa e niŋgi eleŋosiy geregereiŋgoqnqai.

2 Korin 7:1

O ijo was bole, iŋgi bole kalil di Qotei a nami iga egwa marej. Agi a na bini iga egeqnu. Deqa iga kumbra jigat kalil gago jejamu ti gago are miligi ti di unub qaji di torei uratekritqom. Osim dena iga Qotei aqa ŋamgalaq di une saiqoji sosim a qa ulaoqnsim gago jejamu ti gago are miligi ti torei Qotei yekritosim aqa segi kumbra boleq di sosim dauryoqnqom.

Filipai 4:1

Deqa ijo was bole, niŋgi Tamo Koba Yesus beteryosib siŋgila na tigelesoqniye. Agi e nami niŋgi degsi merŋgem. E niŋgi tulaŋ qalaqalaiŋgeqnum deqa e niŋgi qa are koba qaleqnum. Niŋgi segi ijo awai bole bul. Deqa e niŋgi oqajqa waukobaeqnum. E niŋgi qa tulaŋ areboleboleibeqnu.

Filemon 1:1

O Filemon, e Pol. E Kristus Yesus aqa wau tamo deqa jeu tamo naŋgi na e ojsib tonto talq endia waibeb unum. Aqo gago was Timoti wo anjam endi neŋgreŋyosim ni qa qariŋyonum. Ni gago Kristen was bole. Ni iga koba na wau qujai.

Hibru 6:9

O gago was bole, iga na anjam siŋgila niŋgi merŋgonum. Ariya iga qalieonum, niŋgi degsib padalqasai. Qotei na niŋgi aqaryaiŋgosim oqas.

1 Pita 2:11

O ijo kadoi bole, nuŋgo qure bole agi laŋ goge di unu. Deqa niŋgi mandamq endia yauŋ tamo bulosib unub. Deqa e na niŋgi endegsi merŋgwai. Niŋgi nami nuŋgo areqalo namij dauryqajqa are prugŋgoqnej. Ariya areqalo namij di nuŋgo qunuŋ ti ombla qoteqnub. Deqa niŋgi nuŋgo areqalo namij di uratosib qoreiyiye.

1 Jon 5:21

O ijo aŋgro kalil, niŋgi gisaŋ qotei kalil naŋgi torei qoreinjrsib isaq giliye.

Uli Anjam 13:8

Deqa tamo uŋgasari kalil mandamq endi unub qaji naŋgi na wagme juwaŋ di biŋiyoqnsib aqa ñam tulaŋ koba soqtoqneb. Tamo uŋgasari naŋgi di Qotei a nami mandam atosaisosiqa naŋgi ŋambile gaigai sqajqa saidosiq ŋambile qa buk miligiq di naŋgo ñam neŋgreŋyosai. Buk di agi Kaja Du nami qalnab moiej qaji aqa segi buk.

Uli Anjam 2:14

“‘Ariya ino kumbra uge qudei e ubtsiy mermqai. Tamo qudei Pergamum qureq di unub qaji naŋgi Balam aqa kumbra uge siŋgila na ojesonab ni na naŋgi saidnjrosaieqnum. Balam aqa kumbra agiende. Nami Balam na Balak gam osoryonaqa gilsiqa Israel tamo uŋgasari naŋgi gisa gisaŋnjroqnsiqa kumbra ugeq breinjroqnej. Breinjroqnsiqa areqalo tigeltetnjreqnaqa naŋgi qotei gisaŋ atrainjro qaji iŋgi uyoqnsib sambala kumbra yoqnsib laqneb.

Uli Anjam 21:8

“Ariya tamo naŋgi ulakobaoqnsib Yesus qa naŋgo areqalo siŋgilatosaieqnub qaji naŋgi kalil ŋamyuo kobaq aiqab. Tamo kumbra uge yo qaji, leŋ ojo qaji, sambala kumbra yo qaji, gumaniŋo qaji, quñam qalo qaji, qotei gisaŋ biŋinjro qaji, gisaŋ anjam maro qaji naŋgi kalil ŋamyuoq aieleŋqab. Ŋamyuoq dia meniŋ kalil yusiq ñaŋgaeqnu. Ŋamyuo di moio bunu qaji.”

Uli Anjam 22:15

Tamo naŋgi kumbra uge uge yeqnub qaji naŋgi Qotei aqa qure koba di miligiq gilqasai. Naŋgi oqeq di sqab. Tamo gumaniŋo qaji, quñam qalo qaji, sambala kumbra yo qaji, leŋ ojo qaji, gisaŋ qotei biŋinjro qaji, gisaŋ kumbra dauryqajqa tulaŋ arearetnjro qaji naŋgi Qotei aqa qure koba di miligiq gilqasai. Naŋgi oqeq di sqab.