1 Korin 10:12 - Yesus Aqa Anjam Bole

¹² Ariya tamo bei a endegsi are qalqas, “E siŋgila na tigelejunum.” Osim a geregere ŋam atem. A uloŋosim uneq aio uge.

1 Korin 10:12 ပူးပေါင်းရင်းမြစ်များ

Luk 8:18

“Deqa niŋgi ijo anjam geregere qusib poiŋgem. Di kiyaqa? Tamo a powo ti sqas di Qotei na powo olo yimqa a powo koba oqas. Ariya tamo a powo ti sqasai di powo kiñala aqaq di unu qaji di Qotei na olo yaiyimqa a laŋa sqas. A mareqnu, ‘E powo ti.’ Di sai. A powo saiqoji.”

Rom 11:20

Di bole. Ariya Qotei aqa kumbra di aqa utru agiende. Israel naŋgi Qotei qa naŋgo areqalo siŋgilatosai deqa Qotei na naŋgi giŋgeŋnjrsiqa breinjrej. Ariya niŋgi Qotei qa nuŋgo areqalo siŋgilatejunub deqa Qotei na niŋgi olo eleŋej. Di nuŋgo wau na sai. Deqa niŋgi nuŋgo segi ñam soqtosib diqaib. Niŋgi ulaoiye.

1 Korin 8:2

Tamo bei a marqas, “E powo ti unum.” A degsi marqo deqa iga qalieonum, aqa powo kereosaiunu.

Kolosi 2:8

O was qu, niŋgi geregere ŋam atsib soqniye. Tamo qudei naŋgi bosib naŋgo segi powo na ti gisaŋ anjam na ti nuŋgo areqalo bulyetŋgosib niŋgi naŋgo anjam dauryqajqa walawala-iŋgoqnqab. Deqa niŋgi naŋgo anjam di dauryaib. Tamo naŋgi di naŋgo moma naŋgi ti mondor uge uge laŋ ti mandam ti taqatejunub qaji naŋgi ti naŋgo anjam dauryeqnub. Naŋgi Kristus aqa areqalo dauryosaieqnub.

2 Pita 3:17

O ijo was bole, niŋgi diŋo bati qa anjam di bole qalieonub deqa niŋgi geregere ŋam atoqniye. Niŋgi ŋam atqasai di dal anjam gotraŋyo qaji tamo naŋgi bosib niŋgi gisaŋgosib titŋgibqa niŋgi siŋgila na tigelesqa uratosib uloŋo uge.