1 Korin 10:1 - Yesus Aqa Anjam Bole

¹ O was qu, niŋgi ijo anjam endeqa geregere poiŋgem. Nami Moses aqa bati qa gago moma kalil naŋgi wadau sawaq di sonabqa Qotei a laŋbi na naŋgi gam osornjroqnej. Bati di naŋgi Yuwal Lent di gentosib mandam boleq aisib walwelosib gileb.

1 Korin 10:1 ပူးပေါင်းရင်းမြစ်များ

Jon 4:20

Gago moma naŋgi nami Samaria manaq endia korooqnsib Qotei qa louoqneb. Ariya niŋgi Juda tamo niŋgi mareqnub, ‘Qotei qa louqajqa sawa qujai agi Jerusalem.’”

Rom 1:13

O was qu, niŋgi endegsib qalieoiye. Bati gargekoba e bosiy niŋgi nuŋgwajqa are qaleqnum. Ijo areqalo agiende. Tamo uŋgasari sawa bei beiq di unub qaji naŋgo ambleq dia e waueqnamqa naŋgi are bulyoqnsib Yesus qa naŋgo areqalo siŋgilateqnub dego kere nuŋgo ambleq dia dego wauoqnitqa niŋgi qudei are bulyoqnsib Yesus qa nuŋgo areqalo siŋgilatoqnqab. Ariya wau gargekoba na gam getentetbeqnu deqa agi unum.

Rom 11:21

Niŋgi are qaliye. Ŋamtaŋ oliv qure qaji aqa dani di Qotei na giŋgeŋnjrsiqa breinjrej. Dego kere niŋgi nuŋgo segi ñam soqtosib diqwab di a na niŋgi dego giŋgeŋŋgosim breiŋgwas.

Rom 4:11

A muluŋ aiosaisoqnej bati deqa a Qotei qa aqa areqalo siŋgilatej. Deqa Qotei na a tamo bole une saiqoji qa minjej. Osiqa aqa segi anjam Abraham minjej qaji di siŋgilatqa osiqa olo minjej, “Ni muluŋ aie.” Deqa iga endegsi qalieonum, Abraham a tamo kalil muluŋ aiosaiosib naŋgo areqalo Qotei qa siŋgilateqnub qaji naŋgo moma matu.

1 Korin 12:1

Ariya was qu, Qotei aqa Mondor a na iga siŋgila segi segi egeqnaqa iga wau ojeqnum. E deqa niŋgi merŋgit quiye.

1 Korin 14:38

Ariya tamo bei a ijo anjam endi qusim uratimqa niŋgi na endegsib minjiye, “Ni Qotei aqa medabu o qaji tamo bolesai.”

Galesia 3:29

Niŋgi Kristus aqa segi tamo unub deqa niŋgi Abraham aqa aŋgro tiŋtiŋ dego unub. Agi niŋgi segi na iŋgi bole bole Qotei a nami Abraham aqa leŋ naŋgi enjrqajqa marej qaji di oqab.

Hibru 11:29

Israel naŋgi Qotei qa naŋgo areqalo siŋgilatosib deqa naŋgi Yuwal Lentq di gentsib mandam boleq aisib walwelosib gileb. Gileqnab Isip naŋgi na naŋgi daurnjrsib yuwal ambleq aisib ya uysib moreŋeb.