1 Korin 1:14 - Yesus Aqa Anjam Bole

¹⁴ E nuŋgo ambleq di tamo qudei yansnjrosai. Krispus wo Gaius wo naŋgi segi aiyel e na yansnjrem. Deqa e Qotei qa areboleboleibqo.

1 Korin 1:14 ပူးပေါင်းရင်းမြစ်များ

Aposel 10:48

Osiqa naŋgi minjrej, “Niŋgi Yesus Kristus aqa ñam na yanso oiye.” Degsi minjrnaqa naŋgi na yanso osib Pita minjeb, “Ni iga koba na endi sqom.” Degsi minjnabqa a naŋgi koba na soqneb.

Aposel 18:8

Bati deqa Qotei tal taqato tamo aqa ñam Krispus a ti tamo uŋgasari kalil a ombla tal qujaiq di soqneb qaji naŋgi ti Pol aqa anjam qusib are bulyosib Tamo Koba Yesus qa naŋgo areqalo siŋgilateb. Korin tamo uŋgasari tulaŋ gargekoba naŋgi dego Pol aqa anjam qusib Yesus qa naŋgo areqalo siŋgilatosib yanso eb.

Rom 16:23

Gaius a na dego niŋgi kaiyeiŋgwo. A na e osiqa aqa segi talq dia e geregereibeqnu. Osiqa Kristen tamo uŋgasari kalil endia unub qaji naŋgi dego geregereinjreqnu. Erastus wo gago was Kwartus wo naŋgi aiyel dego niŋgi kaiyeiŋgonub. Erastus a na Korin qure naŋgo silali taqateqnu.

1 Korin 1:15

Deqa tamo bei na endegsi marqa keresai, “E Pol aqa ñam na yanso em.”

1 Korin 1:4

Qotei a Kristus Yesus aqa baŋ na niŋgi qa are tulaŋ boleiyosiq gereinjrej. Deqa e bati gaigai niŋgi qa are qaloqnsim ijo Qotei biŋiyeqnum.

1 Korin 14:18

E Qotei biŋiyeqnum. Di kiyaqa? E bati gargekoba meŋ bulyoqnsim qure utru bei bei naŋgo anjam mareleŋeqnum. Ijo kumbra dena e na niŋgi tulaŋ buŋgejunum.

2 Korin 2:14

Ariya e Qotei biŋiyeqnum. Di kiyaqa? A na gaigai iga aqaryaigeqnu deqa iga Kristus aqa siŋgila na qoto buŋyeqnum. Iga Qotei aqa wau ojeqnum dena tamo uŋgasari sawa sawa kalilq di unub qaji naŋgi Qotei qa bole poinjreqnu. Powo di sabaŋ quleq bolequja jagwa na osi gileqnu dego bul.

Efesus 5:20

Kumbra bole kio uge kio nuŋgoq di brantoqnimqa, uŋgum, niŋgi bati gaigai gago Tamo Koba Yesus Kristus aqa ñam na Qotei biŋiyoqniye.

Kolosi 3:15

Kristus a na iga lawo kumbra egeqnu. Lawo kumbra dena nuŋgo are miligi taqatesoqneme. Qotei na niŋgi metŋgej deqa niŋgi jejamu qujai bul sosib are qujaitosib soqniye. Sosib deqa niŋgi gaigai Qotei biŋiyoqniye.

Kolosi 3:17

Nuŋgo anjam maro na ti nuŋgo wau na ti nuŋgo kumbra kalil na ti niŋgi Tamo Koba Yesus aqa ñam na yoqniye. Osib niŋgi aqa ñam na Qotei Abu biŋiyoqniye.

1 Tesalonaika 5:18

Kumbra kie nuŋgoq di brantoqnim, di uŋgum, niŋgi olo Qotei biŋiyoqniye. Qotei aqa areqalo agiende. Niŋgi Kristus Yesus beteryejunub deqa niŋgi kumbra degyoqniye.

1 Timoti 1:12

Gago Tamo Koba Kristus Yesus a na e siŋgila ebej. Osiqa endegsi are qalej, “Pol a na ijo wau ojqa kere.” Degsi are qalsiqa e giltbosiqa wau endi ebej. Deqa e a tulaŋ biŋiyeqnum.

Filemon 1:4

Bati e ijo Qotei pailyoqnsimqa e ni qa are qaloqnsim deqa e Qotei biŋiyeqnum.