1 Korin 1:12 - Yesus Aqa Anjam Bole

¹² O was qu, niŋgi segi segi anjam na qoteqnub qaji nuŋgo utru agiende. Niŋgi qudei mareqnub, “E Pol dauryo qaji tamo.” Niŋgi qudei mareqnub, “E Apolos dauryo qaji tamo.” Niŋgi qudei mareqnub, “E Pita dauryo qaji tamo.” Ariya niŋgi qudei mareqnub, “E Kristus dauryo qaji tamo.” Niŋgi anjam na qoteqnub qaji nuŋgo utru agide.

1 Korin 1:12 ပူးပေါင်းရင်းမြစ်များ

Matyu 23:8

Ariya tamo qudei naŋgi na niŋgi endegsib merŋgaib, ‘O Qalie Tamo.’ Tamo qujai a segi nuŋgo qalie tamo. Niŋgi kalil was qu.

Jon 1:42

Degsi minjsiqa Saimon osiq Yesus aqa areq osi gilej. Onaqa Yesus na Saimon unsiqa minjej, “Ni Saimon, Jon aqa ŋiri. Bunuqna ino ñam Sifas mermoqnqab.” Ñam “Sifas” di Hibru anjam. Gago anjam, “Pita.” Aqa damu, “Meniŋ.”

Aposel 18:24

Onaqa bati bei Juda tamo bei aqa ñam Apolos aqa qure utru Aleksandria a bosiqa Efesus qureq di wauoqnej. A Qotei aqa anjam maro qaji tamo. A Qotei aqa anjam tulaŋ qaliedamu. Deqa a na Qotei aqa anjam kalil nami neŋgreŋyeb qaji di geregere plaltoqnej.

Aposel 19:1

Apolos a Korin qureq di sonaqa Pol a Esia sawa yambaŋ naŋgo qure qureq na walweloqnej. A walwelosi aisiq Efesus qureq di brantosiqa tamo qudei Yesus dauryoqneb qaji naŋgi sonab itnjrsiqa endegsi nenemnjrej, “Nami niŋgi Yesus qa nuŋgo areqalo siŋgilatosib bati deqa Qotei aqa Mondor eb e?” Onaqa naŋgi na saideb, “Eo. Iga Qotei aqa Mondor osai. Qotei aqa Mondor unu kio sai kio di iga nami quosaioqnem.”

1 Korin 1:11

O was qu, Kloe aqa talq di unub qaji naŋgi na anjam bei endegsib e merbeb, “Korin Kristen naŋgi ŋiri ŋiriŋoqnsib anjam na qoteqnub.” Merbonab quem.

1 Korin 15:5

Ariya a subq na tigelosiqa Pita aqaq di brantonaq unej. Osiqa aqa aŋgro 12-pela naŋgoq di dego brantonaq uneb.

1 Korin 15:50

O was qu, e na niŋgi endegsi merŋgwai. Qotei na mandam qaji tamo naŋgi oqa keresai. Deqa a naŋgo Mandor Koba sosim naŋgi taqatnjrqa keresai dego. Gago jejamu moisim qusaqas qaji di ŋambile gaigai sqa keresai.

1 Korin 16:12

Ariya gago was Apolos aqa anjam agiende. Bati gargekoba e siŋgila na minjoqnem, “Gago Kristen was qudei naŋgi Korin Kristen naŋgi unjrqajqa giloqnib ni uratnjraim. Ni naŋgi daurnjrsim gile.” Onaqa a gilqa uratoqnej. Bunuqna a niŋgi qa bqajqa bati kereamqa a niŋgi qa bqas.

1 Korin 4:6

O was qu, aqo Apolos wo gago kumbra qa agi e na niŋgi merŋgonum. Niŋgi gago kumbra deqa are qalsib Qotei aqa anjam neŋgreŋq di unu qaji di niŋgi geregere dauryosib olo gotraŋyaib deqa niŋgi merŋgonum. Deqa was qu, niŋgi diqoqnsib tamo qudei naŋgo ñam soqtetnjroqnsib olo tamo qudei naŋgo ñam aguq atoqnaib.

1 Korin 7:29

O was qu, diŋo bati jojomqo deqa e na niŋgi endegsi merŋgwai. Tamo naŋgi uŋa ti unub qaji naŋgi uŋa saiqoji so bul soqnebe.

1 Korin 9:5

Iga uŋa oqa are soqnim Kristen uŋa osim laqnqa kere e? Agi Tamo Koba Yesus aqa wau tamo qudei naŋgi ti aqa was naŋgi ti Pita ombla na uŋa oqnsib laqnub.

2 Korin 10:7

Niŋgi laŋa babaŋ na tamo naŋgo kumbra unsib tenemtaib. Niŋgi geregere tenemtiye. Tamo bei a endegsi marqas, “E Kristus aqa tamo bole.” Ariya a endegsi poiyem, a Kristus aqa tamo qa marqo deqa iga dego Kristus aqa tamo. A degsi poiyem.

2 Korin 9:6

Niŋgi geregere are qaliye. Tamo a iŋgi kiñala segi yagwas di a iŋgi kiñala segi olo oqas. Ariya tamo a iŋgi koba yagwas di a olo iŋgi koba oqas.

Galesia 2:9

Tamo uŋgasari naŋgi mareqnub, Jems na Pita na Jon na naŋgi qalub Kristen naŋgo gate kokba. Ariya naŋgi qalub qalieeb, Qotei a e qa are boleiyosiq wau ebej. Deqa naŋgi aqo Barnabas wo gago baŋ ojsib mergeb, “Niŋgi gago Kristen was bole.” Osib naŋgi iga ti areqalo qujaitosim anjam endegsi keretem, aqo Barnabas wo sawa bei beiq dia Qotei aqa wau yoqnqom. Ariya naŋgi Juda naŋgo ambleq di wauoqnqab.

Galesia 3:17

O was qu, ijo anjam di aqa utru agiende. Qotei a nami Abraham ombla anjam qoseb. Onaqa wausau 430 koboonaqa dal anjam brantej. Ariya dal anjam dena Qotei aqa anjam nami Abraham ombla qoseb qaji di taqal waiyqa keresai. Qotei a nami iŋgi bole bole di iga laŋa egwa marej. Aqa anjam di dal anjam na gentqa keresai.