1 Jon 5:8 - Yesus Aqa Anjam Bole

⁸ Tamo qalub agiende. Mondor na ya na leŋ na naŋgi qalub anjam qujaitosib Yesus aqa kumbra qa anjam palonteqnub.

1 Jon 5:8 ပူးပေါင်းရင်းမြစ်များ

Matyu 28:19

Deqa niŋgi walwelosib sawa sawa kalil keretoqnsibqa tamo uŋgasari kalil naŋgi ijo anjam minjroqnsib laqniye. Minjroqnibqa naŋgi ijo anjam quoqnsib dauryoqnsibqa ijo segi aŋgro bole sqab. Deqa niŋgi na ijo Abu aqa ñam na ti e Qotei aqa Ŋiri ijo segi ñam na ti Qotei aqa Mondor Bole aqa ñam na ti naŋgi yansnjroqniye.

Mak 14:56

Deqa naŋgi tamo gargekoba metnjrnab bosibqa gisa gisaŋ anjam Yesus aqa jejamuq di qameleŋoqneb. Naŋgi anjam laŋa laŋa na qamoqneb. Naŋgi anjam qujai na qamosai.

Jon 15:26

“Niŋgi siŋgilatŋgwajqa Mondor a ijo Abu ombla unub. E na a qariŋyit niŋgi qa bqas. A anjam bole qa Mondor. A ijo Abu aqaq dena bqas. Bosim ijo wau qa ti ijo kumbra qa ti anjam babtqas.

Jon 19:34

Ariya qaja tamo bei a na aqa qaja osiq Yesus aqa jar baŋgaq di qamnaq leŋ ti ya ti aiej.

Aposel 15:15

Saimon aqa anjam de ti Qotei aqa medabu o tamo naŋgo anjam nami neŋgreŋyeb qaji de ti utru qujai. Agi Qotei aqa medabu o qaji tamo bei a nami anjam endegsi neŋgreŋyej,

Rom 8:16

Qotei aqa Mondor a segi gago are miligiq di waueqnu deqa iga endegsi boleq di mareqnum, bole, iga Qotei aqa aŋgro unum.

2 Korin 1:22

Osiqa aqa segi toqor egsiqa gago are miligiq di atej unu. Aqa toqor di aqa Mondor Bole. Mondor di a na iga namo egej deqa iga qalieonum, bunuqna iŋgi iŋgi kalil a na iga egwa marej qaji di olo egwas.

Hibru 13:12

Dego kere Yesus a dego Jerusalem qure qalaq aisiq dia jaqatiŋ osiq aqa segi leŋ bilentosiq tamo uŋgasari naŋgi qa moiej. Aqa leŋ dena tamo uŋgasari naŋgi yansnjrimqa naŋgi Qotei aqa segi tamo uŋgasari boledamu sqajqa deqa marsiq naŋgi qa moiej.

Hibru 6:4

Tamo qudei naŋgi Qotei aqa suwaŋ uneb. Naŋgi laŋ qureq oqwajqa gam geregere qalieeb. Naŋgi Qotei aqa Mondor esoqneb. Naŋgi Qotei aqa anjam pegiyosib deqa naŋgi qalieeb, aqa anjam bolequja. Naŋgi Qotei aqa siŋgila mondoŋ brantqas qaji di dego qalieosib ojesoqneb.

1 Pita 3:21

Dego kere niŋgi ya na yanso eb deqa Qotei a niŋgi dego eleŋej. A ya dena nuŋgo jejamu qaji jiga di yansetŋgosai. Niŋgi yanso eb bati deqa niŋgi Qotei pailyonab a na nuŋgo are miligi qaji jiga yansetŋgej. Qotei na Yesus Kristus olo subq na tigeltej gam dena a na niŋgi eleŋej.

1 Jon 5:9

Tamo bei na iga anjam mergwas di iga qusim bole qa marqom. Ariya anjam Qotei na iga mergeqnu qaji di aqa anjam tiŋtiŋ. Anjam dena tamo naŋgo anjam tulaŋ buŋyejunu. Anjam Qotei na iga mergeqnu qaji di aqa segi Ŋiri qa anjam.