1 Jon 5:7 - Yesus Aqa Anjam Bole

⁷ Tamo qalub naŋgi Yesus aqa kumbra qa anjam palonteqnub.

1 Jon 5:7 ပူးပေါင်းရင်းမြစ်များ

Matyu 17:5

Pita a degsi mareqnaqa laŋbi tulaŋ suwaŋo aisiqa naŋgi kabutnjrej. Onaqa laŋbi miligiq dena anjam bei endegsi brantonaq naŋgi queb, “Endi ijo Aŋgro qujai e na tulaŋ qalaqalaiyeqnum qaji. E a qa tulaŋ areboleboleibeqnu. Deqa niŋgi aqa anjam quetoqniye.”

Matyu 18:16

Ariya a ino anjam quetmosaiamqa ni tamo qujai kio tamo aiyel kio joqsim gilimqa naŋgi na ni taqmosib ino was aqa une di olo minjqab.

Matyu 28:19

Deqa niŋgi walwelosib sawa sawa kalil keretoqnsibqa tamo uŋgasari kalil naŋgi ijo anjam minjroqnsib laqniye. Minjroqnibqa naŋgi ijo anjam quoqnsib dauryoqnsibqa ijo segi aŋgro bole sqab. Deqa niŋgi na ijo Abu aqa ñam na ti e Qotei aqa Ŋiri ijo segi ñam na ti Qotei aqa Mondor Bole aqa ñam na ti naŋgi yansnjroqniye.

Jon 1:1

Tulaŋ nami iŋgi iŋgi kalil brantosaisonaqa Anjam soqnej. Anjam a Qotei ombla soqneb. Anjam a segi Qotei.

Jon 10:30

Aqo ijo Abu wo iga tamo qujai.”

Jon 12:28

O ijo Abu, ni na ino ñam tulaŋ kobaqujatime.” Yesus a anjam degsi marnaqa laŋ goge dena anjam endegsi bej, “E ijo ñam agi kobaqujatonum. Deqa olo kobaqujatqai.”

Jon 14:17

Aqaryaiŋgo tamo di a anjam bole qa Mondor. Tamo uŋgasari mandamq endi unub qaji naŋgi Mondor di oqa keresai. Naŋgi a unosaieqnub. Naŋgi a qa qaliesai dego. Ariya niŋgi a qa qalie. A niŋgi koba na unub. Bunuqna a bosim nuŋgo are miligiq di sqas.

Jon 15:26

“Niŋgi siŋgilatŋgwajqa Mondor a ijo Abu ombla unub. E na a qariŋyit niŋgi qa bqas. A anjam bole qa Mondor. A ijo Abu aqaq dena bqas. Bosim ijo wau qa ti ijo kumbra qa ti anjam babtqas.

Jon 5:26

Ijo Abu a segi ŋambile qa utru. E aqa Ŋiri. A na e siŋgila ebej deqa e dego ŋambile qa utru.

Jon 8:18

Deqa e segi na ijo wau qa ti ijo kumbra qa ti anjam mareqnum. Ijo Abu e qariŋbej qaji a dego e ombla na ijo wau qa ti ijo kumbra qa ti anjam mareqnum.”

Jon 8:54

Onaqa Yesus na kamba minjrej, “E ijo segi ñam soqtonum qamu e laŋa soqtonum qamu. Ariya ijo Abu na ijo ñam soqtetbeqnu. Agi niŋgi a qa mareqnub, ‘A gago Qotei.’

Aposel 2:33

A laŋ qureq oqsiq ñam kobaquja osiq Qotei aqa baŋ woq di awesoqnej. Osiq Qotei aqa Mondor niŋgi nami eŋgwa marej qaji di aqa Abu aqaq dena yaiyosiqa qariŋyqo aiqoqa niŋgi unsib nuŋgo dabkala na dego quonub.

Aposel 5:32

Iga gago segi ŋamdamu na Yesus aqa kumbra di unoqnsim deqa mare mare laqnum. Qotei aqa Mondor Bole na dego Yesus aqa kumbra deqa mare mare laqnu. Qotei na tamo uŋgasari aqa anjam dauryeqnub qaji naŋgi aqa Mondor di enjreqnu.”

1 Jon 1:1

Anjam ŋambile unu qaji a nami soqnej. Iga Anjam deqa mare mare laqnum. Anjam di iga quoqnem. Gago ŋamdamu na unoqnem. Gago baŋ na dego ojoqnem.

1 Jon 5:6

Yesus Kristus a bosiqa ya na yanso ej. Osiq ŋamburbasq di moinaqa aqa leŋ aiej. A ya na yanso oqajqa deqa segi bosai. A moiimqa aqa leŋ aiqajqa deqa ti bej. Qotei aqa Mondor a anjam bole qa utru. A Yesus Kristus aqa kumbra qa anjam palonteqnu.

1 Jon 5:8

Tamo qalub agiende. Mondor na ya na leŋ na naŋgi qalub anjam qujaitosib Yesus aqa kumbra qa anjam palonteqnub.

Uli Anjam 19:13

A gara olekoba dena kabuosiqa gara di leŋq di tuqtej. Aqa ñam endegsib mareqnub, “Qotei aqa Anjam.”