1 Jon 5:3 - Yesus Aqa Anjam Bole

³ Iga Qotei qalaqalaiyqom di iga aqa dal anjam dego dauryqom. Iga Qotei aqa dal anjam dauryqajqa di gulube sai. Di oto.

1 Jon 5:3 ပူးပေါင်းရင်းမြစ်များ

Matyu 23:4

Naŋgi na tamo naŋgi gulube kokba enjreqnab qoboiysi unub. Ariya naŋgi segi olo tamo naŋgi gulube kokba di yala qoboiyetnjrosaieqnub.

Jon 14:15

Osiqa Yesus a olo anjam endegsi minjrej, “Niŋgi e qalaqalaibo degosib ijo anjam dauryoqniye.

Jon 15:10

Niŋgi ijo dal anjam kalil dauryoqnqab di niŋgi ijo qalaqalaiyo kumbra ti sqab. E ijo Abu aqa dal anjam dauryoqnsimqa aqa qalaqalaiyo kumbra ti unum dego kere.

Jon 15:14

Niŋgi ijo anjam e na merŋgeqnum qaji endi dauryoqnqab di niŋgi ijo segi kadoi bole sqab.

Rom 7:12

Deqa iga dal anjam qa kiersi marqom? Iga endegsi marqom. Dal anjam a bole. A Qotei aqa segi dal anjam. A Qotei aqaq na bej. Dal anjam kalil di Qotei aqa segi anjam. A tiŋtiŋ kalil. A bole kalil.

Rom 7:22

Bole, ijo areqaloq di e Qotei aqa dal anjam tulaŋ arearetbeqnu.

Hibru 8:10

Ariya anjam bunuj agiende. Bati bei brantimqa e na ijo dal anjam kalil osiy Israel tamo uŋgasari naŋgo areqaloq di atsiy siŋgilatqai. Osiy naŋgo are miligiq di dego neŋgreŋyqai. Deqa e naŋgo Qotei soqnit naŋgi ijo segi tamo uŋgasari sqab.

1 Jon 2:3

Iga Qotei aqa dal anjam dauryqom di iga endegsi qalieqom, “Bole, iga Qotei qa bole qalieonum.”

2 Jon 1:6

Qalaqalaiyo kumbra agiende. Iga Qotei aqa dal anjam dauryoqnqom. Dal anjam di aqa damu agiende. Niŋgi qalaqalaiyo kumbra dauryoqniye. Dal anjam di agi niŋgi nami queb.