1 Jon 5:21 - Yesus Aqa Anjam Bole

²¹ O ijo aŋgro kalil, niŋgi gisaŋ qotei kalil naŋgi torei qoreinjrsib isaq giliye.

1 Jon 5:21 ပူးပေါင်းရင်းမြစ်များ

Matyu 6:13

Satan na iga walawalaigosim uneq waigwa laqnimqa ni na Satan getentime. Yim kumbra uge bei na iga ugetetgwasai.’

1 Korin 10:14

Deqa ijo was bole, niŋgi qotei gisaŋ naŋgi atsib naŋgi qa louoqnaib. Niŋgi naŋgi torei uratnjrsib isaq giliye.

1 Korin 10:7

Deqa niŋgi qotei gisaŋ atsib naŋgi qa louoqnaib. Agi gago moma qudei naŋgi qotei gisaŋ atsib naŋgi qa louoqneb. Agi Qotei aqa anjam bei nami endegsib neŋgreŋyeb unu, “Naŋgi korooqnsib iŋgi ti ya ti uyoqnsib olo tigeloqnsib uŋa ti alaŋoqneb.”

1 Tesalonaika 1:9

Iga nami nuŋgo ambleq di sonamqa bati deqa niŋgi gago anjam dauryoqneb. Nuŋgo kumbra di tamo uŋgasari sawa sawa kalilq di unub qaji naŋgi qalieosib deqa mare mare laqnub. Niŋgi are bulyosib gisaŋ qotei naŋgi torei uratnjrsib olo Qotei bole agi ŋambile gaigai unu qaji a areiyosib aqa anjam dauryeqnub. Osib deqa niŋgi Qotei aqa wau tamo bole unub. Nuŋgo kumbra deqa ti naŋgi mare mare laqnub.

1 Jon 2:1

O ijo aŋgro kiñilala, niŋgi une yaib deqa e na anjam endi neŋgreŋyosim niŋgi qa qariŋyonum. Ariya nuŋgo ambleq di tamo bei a une yimqa aqaryaiŋgo tamo Yesus Kristus a na tamo di aqaryaiyqas. Yesus a aqa Abu ombla sosiqa a gaigai kumbra tiŋtiŋ yeqnu.

Uli Anjam 14:11

Ŋamyuo di aqa qurem bati gaigai oqoqnqas. Tamo naŋgi wagme juwaŋ aqa ñam ti aqa toqor ti osibqa aqa sulum wo biŋinjroqnqab di naŋgi bati gaigai qanam ti qolo ti jaqatiŋ koba oqnsib sqab. Naŋgi aqaratqa keresai.”

Uli Anjam 9:20

Naŋgi ugeugeinjreqnabqa tamo uŋgasari qudei gulube qalub dena ñumosai qaji naŋgi di unsibqa naŋgi deqa are bulyosai. Naŋgo baŋ na sulum gereiyeleŋeb qaji di dego naŋgi uratosai. Naŋgi na mondor uge uge ti qotei gisa gisaŋ naŋgi ti sulum kalil naŋgo baŋ na gereiyeleŋeb qaji naŋgi ti di biŋinjroqneb. Naŋgo kumbra uge di naŋgi uratosaioqneb. Sulum di gol na silva na bras na meniŋ na ŋamtaŋ na ti gereiyeleŋeb. Sulum di qunuŋ saiqoji. Deqa naŋgi ŋam atqa keresai. Naŋgi anjam quqwa keresai. Naŋgi walwelqa keresai.