1 Jon 4:17 - Yesus Aqa Anjam Bole

¹⁷ Iga degsi sqom di qalaqalaiyo kumbra di gago are miligiq di tulaŋ kobaosim siŋgilaesqas. Deqa mondoŋ Qotei na tamo naŋgo une qa peginjrqa batiamqa iga ulaqasai. Bole, iga mandamq endi unum. Ariya iga Kristus bulosim aqa kumbra bole dauryeqnum deqa mondoŋ iga ulaqasai.

1 Jon 4:17 ပူးပေါင်းရင်းမြစ်များ

Matyu 10:15

Niŋgi quiye. E bole merŋgwai. Mondoŋ Qotei na tamo uŋgasari naŋgo une qa peginjrqa batiamqa qure deqaji tamo uŋgasari naŋgi ijo anjam uratonub deqa Qotei na naŋgi tulaŋ padaltnjrougetqas. Ariya Sodom qure ti Gomora qure ti naŋgi Qotei na mondoŋ degsim padaltnjrqasai. A na naŋgi gulube kiñala enjrqas. Di kiyaqa? Naŋgi ijo ñam qaliesai deqa.”

Matyu 10:25

Aŋgro a kobaqujaosimqa di aqa abu ombla kerekereqab. Kaŋgal tamo a powo koba osimqa di aqa tamo koba ombla kerekereqab. Jeu tamo naŋgi na tal aqa abu a ñam Belsebul waiyeqnub. Deqa iga qalieonum, naŋgi na aqa aŋgro naŋgi ñam tulaŋ ugedamu wainjrqab.”

Matyu 11:22

Deqa e niŋgi endegsi merŋgwai. Mondoŋ Qotei na tamo uŋgasari naŋgo une qa peginjrqa batiamqa a na niŋgi tulaŋ padaltŋgougetqas. Ariya Qotei na Tair qure ti Saidon qure ti naŋgi degsim padaltnjrqasai. A na naŋgi gulube kiñala enjrqas. Di kiyaqa? Naŋgi ijo ñam qaliesai deqa.

Matyu 11:24

Deqa e niŋgi endegsi merŋgwai. Mondoŋ Qotei na tamo uŋgasari naŋgo une qa peginjrqa batiamqa a na niŋgi tulaŋ padaltŋgougetqas. Ariya Qotei na Sodom qure naŋgi degsim padaltnjrqasai. A na naŋgi gulube kiñala enjrqas. Di kiyaqa? Naŋgi ijo ñam qaliesai deqa.”

Matyu 12:36

“Ariya e niŋgi endegsi merŋgwai. Mondoŋ Qotei na tamo naŋgo une qa peginjrqa batiamqa tamo uŋgasari naŋgo anjam kalil naŋgi laŋa laŋa mareqnub qaji di Qotei na naŋgo jejamuq di atsim naŋgi peginjrqas.

Jon 15:20

E nami merŋgonum, kaŋgal tamo na aqa tamo koba buŋyqa keresai. Niŋgi ijo anjam deqa geregere are qaliye. Jeu tamo naŋgi na e ugeugeibeqnub dego kere niŋgi dego ugeugeiŋgoqnqab. Naŋgi ijo anjam dauryoqneb qamu naŋgi nuŋgo anjam dego dauryonub qamu.

Jon 17:22

Aqo aiyel are qujaitosim unum. Ijo segi tamo uŋgasari kalil naŋgi dego aqo aiyel koba na are qujaitosim sqajqa deqa ñam koba ti siŋgila ti ni na ebem qaji di e na kamba olo naŋgi enjrem.

Rom 8:29

Tamo naŋgi Qotei na nami oqa marej qaji naŋgi di a na giltnjrej dego. Yim naŋgi aqa Aŋgro Yesus a bulosib aqa segi kumbra bole dauryqajqa deqa. Gam dena Qotei aqa aŋgro gargekoba naŋgi brantoqnib Kristus a naŋgo was matu sqas.

Hibru 9:27

Iga qalie, tamo kalil naŋgi bati qujai qa moieqnub. Ariya mondoŋ tamo kalil naŋgi Qotei aqa ulatamuq di brantib a naŋgo une qa naŋgi peginjrqas.

Jems 2:13

Tamo bei a tamo naŋgi qa dulqasai di mondoŋ tamo peginjro batiamqa Qotei a kamba tamo deqa dulqasai. Ariya tamo bei a tamo naŋgi qa dulqas di mondoŋ tamo peginjro batiamqa Qotei a tamo deqa kamba dulosim aqa une kobotetqas.

Jems 2:22

Niŋgi are qaliye. Abraham a Qotei qa aqa areqalo siŋgilatosiq kumbra bole dego turtsiq yej. Aqa areqalo Qotei qa siŋgilatej qaji de ti aqa kumbra bole ti aiyeltsiq dauryej. Deqa iga endegsi marqom. Abraham aqa kumbra bole yej qaji dena aqa areqalo Qotei qa siŋgilatej qaji di taqyosiq siŋgilatej.

2 Pita 2:9

Ariya was qu, Tamo Koba Qotei a nami degsiqa tamo uge uge naŋgo une qa maroqnsiq naŋgi padaltnjroqnej. Deqa iga qalieonum, tamo naŋgi Qotei dauryeqnub qaji naŋgi gulube iteqnabqa a na olo naŋgi eleŋeqnu. Naŋgi eleŋqajqa gam di Qotei a bole qalie. Tamo uge uge naŋgo kumbra di dego Qotei a qalie. Deqa mondoŋ a na naŋgi osim naŋgo une qa peginjrsim awai uge enjrqas.

2 Pita 3:7

Ariya bini laŋ ti mandam ti tariŋoqnsib unub. Mondoŋ Qotei a olo anjam marimqa laŋ ti mandam ti ŋamyuo na yusib koboqab. Bati deqa Qotei na tamo naŋgi a qoreiyeqnub qaji naŋgo une qa peginjrsim naŋgi torei padaltnjrqas.

1 Jon 2:28

Od, ijo aŋgro, niŋgi Kristus beteryosib soqniye. Yim deqa mondoŋ a olo brantimqa iga jemaigwasai. Iga are siŋgilatosim aqa ulatamuq di tigelesqom.

1 Jon 2:5

Ariya tamo bei a Qotei aqa anjam dauryqas di iga marqom, bole, a Qotei tulaŋ qalaqalaiyqo. O was qu, iga qalaqalaiyo kumbra di dauryqom dena iga poigwas, iga Qotei beteryejunum.

1 Jon 2:6

Tamo bei a marqas, “E Qotei beteryejunum.” Degosim a kumbra kalil Yesus yoqnej qaji di dauryosim yoqnem.

1 Jon 3:1

Bole, gago Abu Qotei a na iga tulaŋ qalaqalaigeqnu! A na iga aqa segi aŋgro tiŋtiŋ sqa marsiq iga giltgej. Deqa iga bole qalieonum, iga Qotei aqa aŋgro bole. Tamo naŋgi mandamq endi unub qaji naŋgi Qotei qa qaliesai. Deqa naŋgi iga qa dego qaliesai.

1 Jon 3:3

Tamo kalil Kristus qa tariŋeqnub qaji naŋgo kumbra dena naŋgi naŋgo segi une olo uratoqnsib Qotei aqa ŋamgalaq di jiga saiqoji unub. Agi Kristus a segi jiga saiqoji unu dego kere.

1 Jon 3:7

O ijo aŋgro kalil, niŋgi geregere ŋam atoqniye. Tamo bei na bosim niŋgi gisaŋgo uge. Tamo a kumbra tiŋtiŋ dauryqas di a Qotei aqa ŋamgalaq di tamo tiŋtiŋo sqas. Kristus a tamo tiŋtiŋo unu dego kere.

1 Jon 4:12

Tamo bei a nami Qotei aqa ulatamu unosaioqnej. Ariya iga na Kristen tamo uŋgasari naŋgi qalaqalainjrqom di Qotei a gagoq di beteresoqnimqa aqa qalaqalaiyo kumbra di gago are miligiq di tulaŋ kobaoqnsim siŋgilaoqnqas.