1 Jon 3:9 - Yesus Aqa Anjam Bole

⁹ Qotei na tamo bei ŋambabtqas di a une atoqnqasai. Qotei aqa segi ŋambile aqaq di unu deqa a une atoqnqa keresai. Di kiyaqa? A Qotei aqa segi aŋgro tiŋtiŋ unu deqa.

1 Jon 3:9 ပူးပေါင်းရင်းမြစ်များ

Matyu 7:18

Ŋamtaŋ bole naŋgi gei uge atosaieqnub. Ŋamtaŋ uge naŋgi gei bole atosaieqnub.

Jon 1:13

Naŋgo meani na ŋambabtnjro qaji dena naŋgi Qotei aqa aŋgro brantosai. Naŋgo segi areqalo na naŋgi Qotei aqa aŋgro brantosai. Tamo bei aqa areqalo na dego naŋgi Qotei aqa aŋgro brantosai. Qotei a segi na marej deqa naŋgi aqa aŋgro tiŋtiŋ branteb.

Jon 3:3

Onaqa Yesus na kamba minjej, “Ni que. E bole mermqai. Tamo bei a aŋgro mom bunuj bulosim ŋambabqasai di Qotei na a taqatosim aqa Mandor Koba sqasai. Deqa a Qotei unqa keresai.”

Aposel 4:20

Aqo aiyel medabu getentqa keresai. Kumbra kalil gago ŋamdamu na unoqnem qaji deqa iga maroqnsim laqnqom. Anjam kalil gago dabkala na quoqnem qaji di dego iga maroqnsim laqnqom. Iga uratqa keresai.”

Rom 6:2

Sai. Iga moiobulem deqa iga une aqa kumbra uratem. Deqa iga kiersim olo une yoqnqom?

Galesia 5:17

Iga qalie, gago areqalo namij na Qotei aqa Mondor jeuteqnu. Qotei aqa Mondor a na kamba dego gago areqalo namij jeuteqnu. Naŋgi aiyel jeu jeu unub deqa kumbra bole niŋgi yqajqa arearetŋgeqnu qaji di niŋgi olo yosaieqnub.

Taitus 1:2

E na naŋgi aqaryainjritqa naŋgi ŋambile qa tariŋoqnsib sqajqa deqa e waueqnum. Ŋambile di agi Qotei na naŋgi enjrimqa naŋgi ŋambile gaigai sqab. Tulaŋ nami Qotei a iŋgi iŋgi kalil atosaisosiqa a na ŋambile di iga egwajqa marej. A bole marej. A gisaŋosaieqnu.

1 Pita 1:23

Niŋgi iŋgi meli bunuj bulosib ŋambile bunuj eb. Iŋgi meli ugeqas qaji dena niŋgi ŋambile osai. Iŋgi meli gaigai sqas qaji dena niŋgi ŋambile eb. Iŋgi meli bunuj di Qotei aqa anjam. Anjam di ŋambile ti. A gaigai sqas.

1 Jon 2:29

Niŋgi qalie, Kristus aqa kumbra kalil tiŋtiŋo. Deqa niŋgi endegsib qalieoiye. Tamo kalil kumbra tiŋtiŋ yeqnub qaji naŋgi Qotei aqa segi aŋgro bole tiŋtiŋ unub.

1 Jon 3:6

Deqa tamo a Kristus beteryesqas di a une atoqnqasai. Tamo a une atoqnqas di iga unsim qalieqom, a Kristus unosaieqnu. A Kristus qa qaliesai dego.

1 Jon 4:7

O ijo kadoi bole, Qotei a qalaqalaiyo kumbra qa utru. Deqa iga gago Kristen was naŋgi qalaqalainjroqnqom. Tamo a qalaqalaiyo kumbra dauryqas di a Qotei aqa aŋgro tiŋtiŋ sqas. Osim a Qotei qa bole qalieqas.

1 Jon 5:1

Yesus a segi Kristus. Tamo kalil degsib maroqnsib Yesus qa naŋgo areqalo siŋgilateqnub qaji naŋgi Qotei aqa aŋgro tiŋtiŋ unub. Tamo kalil Abu Qotei qalaqalaiyeqnub qaji naŋgi na aqa aŋgro naŋgi dego qalaqalainjreqnub.

1 Jon 5:18

Iga qalie, tamo kalil Qotei aqa aŋgro tiŋtiŋ unub qaji naŋgi une atosaieqnub. Tamo kalil Qotei aqa aŋgro tiŋtiŋ unub qaji naŋgi Qotei na geregere taqatnjreqnu deqa tamo uge Satan a na naŋgi ugeugeinjrqa keresai.

1 Jon 5:4

Tamo kalil Qotei aqa aŋgro tiŋtiŋ unub qaji naŋgi mandam endeqa siŋgila gotraŋyoqnsib siŋgila na tigelejunub. Iga Qotei qa gago areqalo siŋgilateqnum deqa iga qoto qa siŋgilaoqnsim mandam endeqa siŋgila gotraŋyeqnum.

3 Jon 1:11

O ijo was bole Gaius, ni kumbra uge dauryaim. Ni kumbra bole segi daurye. Tamo a kumbra bole yqas di a Qotei aqa tamo sqas. Ariya tamo naŋgi kumbra uge uge yeqnub qaji naŋgi Qotei unqa keresai.