1 Jon 3:7 - Yesus Aqa Anjam Bole

⁷ O ijo aŋgro kalil, niŋgi geregere ŋam atoqniye. Tamo bei na bosim niŋgi gisaŋgo uge. Tamo a kumbra tiŋtiŋ dauryqas di a Qotei aqa ŋamgalaq di tamo tiŋtiŋo sqas. Kristus a tamo tiŋtiŋo unu dego kere.

1 Jon 3:7 ပူးပေါင်းရင်းမြစ်များ

Matyu 5:20

E niŋgi endegsi merŋgwai. Niŋgi Qotei aqa areqalo dauryqa uratosib nuŋgo kumbra bole a dal anjam qalie tamo naŋgi ti Farisi ti naŋgo kumbra bole buŋyqasai di Qotei a niŋgi taqatŋgosim nuŋgo Mandor Koba sqasai. Deqa niŋgi laŋ qureq oqwa keresai.”

Luk 1:75

Deqa iga mandamq endia bati gaigai kumbra tiŋtiŋ dauryoqnsimqa kumbra bole kalil Qotei a tulaŋ areareteqnu qaji di siŋgila na yoqnqom.

Aposel 10:35

Deqa Qotei na iga Juda tamo segi oqasai. Sawa sawa kalilq dia tamo uŋgasari kumbra bole bole yoqnsib Qotei aqa sorgomq di unub qaji naŋgi dego a na eleŋeqnu.

Rom 2:13

Di kiyaqa? Tamo naŋgi dal anjam laŋa quoqnsib olo dauryosaieqnub qaji naŋgi Qotei aqa ŋamgalaq di tamo bolesai. Tamo naŋgi dal anjam qusib dauryeqnub qaji naŋgi segi Qotei na tamo bole une saiqoji qa minjrqas.

1 Korin 6:9

Tamo naŋgi kumbra uge uge yeqnub qaji naŋgi Qotei na joqsim taqatnjrqasai. Osim a naŋgo Mandor Koba sqasai dego. Di niŋgi qaliesai kio? O was qu, niŋgi na nuŋgo segi jejamu gisaŋyaib. Tamo naŋgi sambala kumbra yeqnub qaji naŋgi ti tamo naŋgi gisaŋ qotei qa loueqnub qaji naŋgi ti tamo naŋgi was bei aqa ŋauŋ jejamu ojeteqnub qaji naŋgi ti tamo naŋgi uŋa wo ŋereŋqa uratoqnsib olo tamo bei wo bei wo ŋereŋoqnsib sambala kumbra yeqnub qaji naŋgi ti tamo naŋgi bajiŋeqnub qaji naŋgi ti tamo naŋgi was bei aqa iŋgi iŋgi qa mamaulnjreqnu qaji naŋgi ti tamo naŋgi ya uge uyoqnsib nanarieqnub qaji naŋgi ti tamo naŋgi was bei yomuiyeqnub qaji naŋgi ti tamo naŋgi was bei aqa silali gisaŋ na yaiyeqnub qaji naŋgi ti tamo deqaji kalil naŋgi Qotei na joqsim taqatnjrqasai. Osim a naŋgo Mandor Koba sqasai dego.

Efesus 5:6

Niŋgi geregere ŋam atiye. Tamo qudei naŋgi na niŋgi kumbra uge deqaji yqajqa titŋgoqnsib anjam laŋa laŋa merŋgoqnibqa niŋgi naŋgo anjam di qusib naŋgi daurnjraib. Tamo uŋgasari Qotei aqa anjam gotraŋyeqnub qaji naŋgi kumbra deqaji yeqnub deqa Qotei a naŋgi qa tulaŋ minjiŋ oqeteqnu.

Efesus 5:9

Suwaŋ a na kumbra endeqaji babteqnu. Tamo naŋgi suwaŋoq di unub qaji naŋgi kumbra bole bole yeqnub. Naŋgi kumbra tiŋtiŋ dauryeqnub. Naŋgi anjam bole mareqnub.

Filipai 1:11

O was qu, kumbra bole kalil Yesus Kristus a segi na babteqnu qaji di nuŋgoq di tulaŋ kobaoqnqajqa deqa e niŋgi qa pailyeqnum. Yim tamo uŋgasari naŋgi nuŋgo kumbra di unsib Qotei aqa ñam soqtoqnqab.

Hibru 1:8

Ariya Qotei na aqa segi Ŋiri endegsi minjej, “O Qotei, ni bati gaigai Mandor Koba sqam. Sosim ni kumbra tiŋtiŋ na ino segi tamo uŋgasari naŋgi taqatnjroqnqam.

Hibru 7:2

Onaqa iŋgi iŋgi kalil Abraham a mandor kokba naŋgoq dena eleŋej qaji di a na poto 10-pelatosiq oto qujai Melkisedek atraiyej. Melkisedek aqa ñam di aqa damu agiende, Kumbra Tiŋtiŋ Yeqnu Qaji Mandor. Ariya a Salem qure naŋgo mandor soqnej deqa qure ñam Salem aqa damu agiende, Are Lawo Qaji Mandor.

Jems 1:22

Ariya Qotei aqa anjam niŋgi ojejunub qaji di torei dauryoqniye. Laŋa qusib olo urataib. Niŋgi laŋa quqwab di niŋgi nuŋgo segi jejamu gisaŋyqab.

Jems 2:19

Ni mareqnum, “Bole, Qotei a segi qujai unu.” Ni kere mareqnum. Ariya mondor uge naŋgi dego degsib maroqnsib Qotei ulaiyeqnub.

1 Pita 2:24

Kristus a gago une kalil qoboiyosiqa aqa segi jejamuq di atsiqa a ŋamburbasq di iga qa gaiŋej. Iga gago une kalil torei uratosim ŋambile sosim kumbra tiŋtiŋ yoqnqajqa deqa osiqa ŋamburbasq di iga qa gaiŋej. Jeu tamo naŋgi na Yesus qalougetosib jaqatiŋ koba yeb. Onaqa aqa jaqatiŋ dena a na iga olo boletgej.

1 Jon 2:1

O ijo aŋgro kiñilala, niŋgi une yaib deqa e na anjam endi neŋgreŋyosim niŋgi qa qariŋyonum. Ariya nuŋgo ambleq di tamo bei a une yimqa aqaryaiŋgo tamo Yesus Kristus a na tamo di aqaryaiyqas. Yesus a aqa Abu ombla sosiqa a gaigai kumbra tiŋtiŋ yeqnu.

1 Jon 2:26

O was qu, gisaŋ tamo naŋgi na niŋgi gisaŋgwajqa laqnub. E deqa are qalsim anjam endi neŋgreŋyosim niŋgi qa qariŋyonum.

1 Jon 2:29

Niŋgi qalie, Kristus aqa kumbra kalil tiŋtiŋo. Deqa niŋgi endegsib qalieoiye. Tamo kalil kumbra tiŋtiŋ yeqnub qaji naŋgi Qotei aqa segi aŋgro bole tiŋtiŋ unub.

1 Jon 3:18

O ijo aŋgro kalil, niŋgi quiye. Iga laŋa anjam maro na segi Kristen tamo naŋgi qalaqalainjrqom di keresai. Iga naŋgi bole qalaqalainjrsim kumbra bole bole enjroqnqom.

1 Jon 3:3

Tamo kalil Kristus qa tariŋeqnub qaji naŋgo kumbra dena naŋgi naŋgo segi une olo uratoqnsib Qotei aqa ŋamgalaq di jiga saiqoji unub. Agi Kristus a segi jiga saiqoji unu dego kere.

1 Jon 4:17

Iga degsi sqom di qalaqalaiyo kumbra di gago are miligiq di tulaŋ kobaosim siŋgilaesqas. Deqa mondoŋ Qotei na tamo naŋgo une qa peginjrqa batiamqa iga ulaqasai. Bole, iga mandamq endi unum. Ariya iga Kristus bulosim aqa kumbra bole dauryeqnum deqa mondoŋ iga ulaqasai.