1 Jon 3:14 - Yesus Aqa Anjam Bole

¹⁴ Iga na gago Kristen was naŋgi qalaqalainjreqnum deqa iga endegsi qalieonum, iga padalqa gam uratosim agi ŋambile gaigai sqajqa gamq di unum. Ariya tamo naŋgi naŋgo Kristen was naŋgi qalaqalainjro-saieqnub qaji naŋgi padalqa gamq di unub.

1 Jon 3:14 ပူးပေါင်းရင်းမြစ်များ

Matyu 25:40

“Naŋgi na e degsib nenembibqa e na kamba minjrqai, ‘Niŋgi quiye. E bole merŋgwai. Niŋgi na ijo was naŋgi sougetejunub qaji geregereinjroqneb di agi niŋgi e dego gereiboqneb.’

Luk 15:24

Iga degyqom. Di kiyaqa? Ijo aŋgro yala a moiobulosiq agi olo ŋambile sosiq bqo deqa. A loumej agi gagoq di brantqo.’ Degsi minjrnaqa naŋgi urur ti gilsib bulmakau goisib koba na awoosib areboleboleinjrnaq soqneb.

Luk 15:32

Ariya bini iga maruro atsimqa areboleboleigeqnu. Di kiyaqa? Ino was a moiobulosiq agi olo ŋambile sosiq bqo deqa. A loumej agi gagoq di olo brantqo.’”

Luk 7:5

A Juda tamo uŋgasari kalil naŋgi qa tulaŋ boleoqnsiqa gaigai geregereinjreqnu. Agi a na gago Qotei tal gereiyetgej.”

Jon 13:35

Niŋgi nuŋgo was naŋgi qalaqalainjroqnibqa tamo kalil naŋgi nuŋgo kumbra di unsibqa dena qalieoqnqab, niŋgi ijo aŋgro bole.”

Jon 15:12

Ijo dal anjam agiende. E na niŋgi qalaqalaiŋgeqnum dego kere niŋgi na nuŋgo was naŋgi dego qalaqalainjroqniye.

Jon 15:17

E na niŋgi dal anjam endegsi merŋgwai. Niŋgi segi segi na nuŋgo was naŋgi qalaqalainjroqniye.”

Jon 5:24

“Niŋgi quiye. E bole merŋgwai. Tamo a ijo anjam qusim ijo Abu e qariŋbej qaji a qa aqa areqalo siŋgilatqas di a ŋambile gaigai sqas. Deqa e aqa une qa a pegiyqasai. A moio gam uratqo deqa a olo ŋambile unu.

2 Korin 5:1

Iga qalieonum, gago mandam qaji jejamu endi torei ugeqas. Gago jejamu endi gago tal bul. Ariya mondoŋ Qotei na olo tal bei iga egwas. Tal di tamo bei na gereiyosai. Tal di a laŋ qureq di unu. A bati gaigai sqas.

Galesia 5:22

Ariya Qotei aqa Mondor na iga kumbra bole endeqaji yqajqa are tigeltetgeqnu. Qalaqalaiyo kumbra dauryoqa, areboleboleiyoqa, lawo kumbra yoqa, was naŋgi aqaryainjroqnsim kumbra bole bole enjroqa, kumbra bole tiŋtiŋ dauryoqa,

Efesus 1:15

E endegsi quem. Niŋgi Tamo Koba Yesus qa nuŋgo areqalo siŋgilatoqnsibqa Qotei aqa tamo uŋgasari kalil naŋgi qalaqalainjreqnub.

Efesus 2:1

Nami niŋgi une yoqnsib laqneb deqa niŋgi moreŋesoqneb. Niŋgi moio tamo buleb.

Kolosi 1:4

Aqo aiyel niŋgi qa anjam bei endegsi quem. Kristus aqa anjam bole niŋgi qa bonaqa niŋgi qusibqa iŋgi tulaŋ boledamu Qotei na laŋ goge dia gereiyetŋgej unu qaji di niŋgi oqajqa deqa nuŋgo areqalo siŋgilateb. Niŋgi deq oqwajqa tariŋoqnsib unub. Utru deqa niŋgi Kristus Yesus qa nuŋgo areqalo siŋgilatoqnsib Qotei aqa segi tamo uŋgasari kalil naŋgi qalaqalainjreqnub. Kristus aqa anjam bole di sawa sawa kalilq gileqnaqa tamo uŋgasari gargekoba naŋgi quoqnsib naŋgo areqaloq di siŋgilatoqnsib dauryoqnsib kumbra bole bole yeqnub. Qotei a iga qa are tulaŋ boleiyosiq Yesus egej anjam bole di niŋgi nami qusib poiŋgej bati deqa kumbra bole deqaji nuŋgo ambleq di dego brantej.

1 Tesalonaika 4:9

E na niŋgi Qotei aqa tamo uŋgasari naŋgi qalaqalainjrqajqa deqa anjam bei neŋgreŋyqasai. Di kiyaqa? Qotei na qalaqalaiyo kumbra di niŋgi osorŋgekritej koboqo.

Hibru 13:1

Ariya Kristen was qu, bati gaigai niŋgi segi segi nuŋgo was naŋgi qalaqalainjroqniye.

1 Pita 1:22

Niŋgi nami Qotei aqa anjam bole dauryoqneb. Kumbra dena niŋgi Qotei aqa ŋamgalaq di tamo bole une saiqoji soqneb. Utru deqa bini niŋgi na Qotei aqa tamo uŋgasari naŋgi tulaŋ qalaqalainjreqnub. Ariya kumbra di niŋgi olo torei siŋgilatosib nuŋgo Kristen was naŋgi siŋgila na qalaqalainjroqniye.

1 Pita 3:8

Ariya e na ijo anjam endi kobotqa osiy niŋgi endegsi merŋgwai. Niŋgi kalil koba na geregere are qujaitosib soqniye. Sosibqa tamo kalil naŋgi qa duloqnsib Qotei aqa tamo uŋgasari naŋgi dego qalaqalainjroqnsib naŋgi qa are boleiŋgoqneme. Osib nuŋgo segi ñam aguq atoqniye.

2 Pita 1:7

Osib dena niŋgi nuŋgo Kristen was qu naŋgi kadoinjrsib geregereinjroqniye. Osib dena niŋgi qalaqalaiyo kumbra dauryosib soqniye.

1 Jon 2:3

Iga Qotei aqa dal anjam dauryqom di iga endegsi qalieqom, “Bole, iga Qotei qa bole qalieonum.”

1 Jon 3:23

Qotei aqa dal anjam agiende. Iga aqa Aŋgro Yesus Kristus aqa ñam qa gago areqalo siŋgilatosim gago Kristen was naŋgi qalaqalainjroqnqom. Qotei aqa dal anjam di a na nami iga mergnaq quem.

1 Jon 4:12

Tamo bei a nami Qotei aqa ulatamu unosaioqnej. Ariya iga na Kristen tamo uŋgasari naŋgi qalaqalainjrqom di Qotei a gagoq di beteresoqnimqa aqa qalaqalaiyo kumbra di gago are miligiq di tulaŋ kobaoqnsim siŋgilaoqnqas.

1 Jon 5:13

E na anjam endi neŋgreŋyosim niŋgi tamo uŋgasari Qotei aqa Ŋiri aqa ñam qa nuŋgo areqalo siŋgilateqnub qaji niŋgi qa qariŋyonum. Yim niŋgi qalieqajqa, niŋgi ŋambile gaigai sqab.

1 Jon 5:2

Iga Qotei qalaqalaiyoqnsim aqa dal anjam dauryoqnqom dena iga qalieonum, iga Qotei aqa aŋgro naŋgi dego qalaqalainjreqnum.