1 Jon 2:7 - Yesus Aqa Anjam Bole

⁷ O ijo kadoi bole, dal anjam e neŋgreŋyonum qaji endi dal anjam bunuj sai. Endi dal anjam namij niŋgi nami quoqneb qaji.

1 Jon 2:7 ပူးပေါင်းရင်းမြစ်များ

Matyu 5:43

Osiqa Yesus a olo anjam endegsi minjrej, “Niŋgi queb, nami Moses na nuŋgo moma naŋgi Qotei aqa dal anjam endegsi minjroqnej, ‘Ni ino was naŋgi qalaqalainjroqne. Osim ino jeu tamo naŋgi qa ugeoqne.’

Jon 13:34

Endego e dal anjam bunuj eŋgwai. Dal anjam bunuj agiende. Niŋgi nuŋgo was naŋgi qalaqalainjroqniye. E niŋgi qalaqalaiŋgeqnum dego kere niŋgi kamba dego nuŋgo was naŋgi qalaqalainjroqniye.

Aposel 17:19

Naŋgi degsib maroqnsib Pol osib naŋgo koro sawa aqa ñam Areopagus deq osi gileb. Osi gilsib naŋgo ambleq di tigeltosib minjeb, “Anjam bunuj ni mareqnum qaji di aqa utru geregere mergimqa iga qusim qalieqom.

Hibru 6:9

O gago was bole, iga na anjam siŋgila niŋgi merŋgonum. Ariya iga qalieonum, niŋgi degsib padalqasai. Qotei na niŋgi aqaryaiŋgosim oqas.

1 Jon 2:24

Anjam niŋgi nami quoqneb qaji di niŋgi olo siŋgila na ojesoqniye. Ojesqab di Abu wo aqa Ŋiri wo naŋgi niŋgi ti gaigai sqab.

1 Jon 3:11

Nami niŋgi dal anjam endegsib queb. Iga gago Kristen was naŋgi qalaqalainjroqnqom.

1 Jon 3:2

O ijo kadoi bole, bini iga Qotei aqa segi aŋgro tiŋtiŋ unum. Ariya mondoŋ iga kiersi sqom di iga qalieosaiunum. Ariya iga qalie, Kristus a olo bamqa iga a unsimqa iga a bul sqom.

1 Jon 3:21

Deqa ijo kadoi bole, iga gago une bei qa are gulubeigwasai di iga Qotei aqa ulatamuq di siŋgila na tigelesqom.

1 Jon 3:23

Qotei aqa dal anjam agiende. Iga aqa Aŋgro Yesus Kristus aqa ñam qa gago areqalo siŋgilatosim gago Kristen was naŋgi qalaqalainjroqnqom. Qotei aqa dal anjam di a na nami iga mergnaq quem.

1 Jon 4:1

O ijo kadoi bole, tamo gargekoba naŋgi mandamq endia laqnsibqa gisaŋ anjam endegsib mareqnub, “Qotei aqa Mondor na gago medabu siŋgilatetgeqnaqa iga anjam mareqnum.” Tamo gargekoba naŋgi anjam degsib mareqnub di gisaŋ. Deqa niŋgi mati mondor kalil naŋgi peginjrsib naŋgi Qotei aqaq dena beb kio sai kio di niŋgi qalieqab. Qalieosib naŋgo anjam di qusib nuŋgo areqaloq di siŋgilataib.

1 Jon 4:11

O ijo kadoi bole, Qotei aqa kumbra dena iga osorgej, a na iga tulaŋ qalaqalaigeqnu. Deqa iga na kamba Kristen tamo uŋgasari naŋgi dego qalaqalainjroqnqom.

1 Jon 4:21

Iga dal anjam di Kristus aqaq na em. Dal anjam agiende. Tamo a Qotei qalaqalaiyoqnqas di a na aqa Kristen was naŋgi dego qalaqalainjroqneme.

1 Jon 4:7

O ijo kadoi bole, Qotei a qalaqalaiyo kumbra qa utru. Deqa iga gago Kristen was naŋgi qalaqalainjroqnqom. Tamo a qalaqalaiyo kumbra dauryqas di a Qotei aqa aŋgro tiŋtiŋ sqas. Osim a Qotei qa bole qalieqas.