1 Jon 2:19 - Yesus Aqa Anjam Bole

¹⁹ Jeu tamo naŋgi di nami gago ambleq di soqneb. Sosib olo bunuqna iga uratgosib jaraieb. Di kiyaqa? Naŋgi Kristen tamo bolesai deqa. Naŋgi Kristen tamo bole qamu naŋgi iga ti unum qamu. Ariya naŋgi iga uratgosib jaraieb deqa iga qalieonum, naŋgi Kristen tamo bolesai.

1 Jon 2:19 ပူးပေါင်းရင်းမြစ်များ

Matyu 24:24

Di kiyaqa? Tamo qudei naŋgi bosib gisaŋosib marqab, ‘E Kristus.’ Qudei naŋgi marqab, ‘E Qotei aqa medabu o qaji tamo bole.’ Degsib maroqnsib maŋwa kokba gargekoba babtoqnqab. Naŋgo maŋwa dena naŋgi na tamo uŋgasari kalil naŋgi ugeugeinjrqajqa deqa wauoqnqab. Osib Qotei aqa segi tamo uŋgasari nami giltnjrej qaji naŋgi dego ugeugeinjrqajqa wauoqnqab.

Mak 13:22

Tamo qudei naŋgi bosib gisaŋosib marqab, ‘E Kristus.’ Qudei naŋgi marqab, ‘E Qotei aqa medabu o qaji tamo bole.’ Degsib maroqnsib maŋwa kokba gargekoba babtoqnqab. Naŋgo maŋwa dena naŋgi na tamo uŋgasari kalil naŋgi ugeugeinjrqajqa deqa wauoqnqab. Osib Qotei aqa segi tamo uŋgasari nami giltnjrej qaji naŋgi dego ugeugeinjrqajqa wauoqnqab.

Luk 8:13

Saga yago qudei mandam lanjaq di aieb qaji di aqa utru endegsi unu. Tamo qudei naŋgi Qotei aqa anjam qusib tulaŋ areboleboleinjrimqa anjam di oqujatosib naŋgo areq atqab. Ariya naŋgi bati truquyala Qotei qa naŋgo areqalo siŋgilatibqa bunuqna une bei bei naŋgoq bamqa naŋgi Qotei olo uratosib uloŋqab. Di kiyaqa? Naŋgi Qotei aqa anjam naŋgo are miligiq di unu qaji di siŋgila na ojosai deqa.

Jon 15:2

Ijo dani qudei naŋgi gei bole atqasai di ijo Abu na naŋgi giŋgeŋnjrsim taqal breinjrqas. Ijo dani gei bole ateleŋeqnub qaji di ijo Abu na gereinjreqnaqa naŋgi olo gei koba ateleŋeqnub.

Jon 4:14

Ariya e na tamo naŋgi ya anainjrqai di naŋgi bunu ya qarnjrqasai. Ya e na anainjrqai di naŋgi uyibqa naŋgo are miligiq di ya ani bul polyoqnimqa naŋgi ŋambile gaigai sqab.”

Aposel 15:24

Iga nami anjam endegsi quem. Tamo qudei naŋgi gago ambleq na tigelosib nuŋgoq gilsib naŋgo segi areqalo na anjam bei merŋgsib dena nuŋgo areqalo niñaqyetŋgeb. Tamo naŋgi di iga na qariŋnjrosai.

Aposel 20:30

Nuŋgo ambleq dena dego gisaŋ anjam maro tamo qudei naŋgi tigelosib Qotei aqa anjam bole bulbulyoqnsibqa gisaŋ anjam merŋgoqnqab. Yibqa Yesus aqa tamo uŋgasari naŋgi qusibqa Qotei aqa anjam bole ulontosib naŋgi daurnjrqab.

Rom 9:6

Qotei na ijo was agi Jekop aqa leŋ naŋgi di eleŋosai deqa e gaigai naŋgi qa are gulubeibeqnu. Deqa Qotei aqa anjam nami marej qaji di uloŋej e? Sai. E qalie, tamo gargekoba naŋgi Israel naŋgo leŋ dena ŋambabeb ariya naŋgi kalil Israel tamo tiŋtiŋ sai.

1 Korin 11:19

Di kiyaqa? E endegsi are qalonum. Niŋgi pupoabqa dena niŋgi poiŋgwas, nuŋgo ambleq di tamo yai naŋgi Qotei aqa kumbra bole tiŋtiŋ dauryeqnub.

2 Timoti 2:10

Deqa e na ijo are miligi siŋgilatoqnsim gulube kalil di qoboiyoqnsim unum. E tamo uŋgasari Qotei na aqa segi qa giltnjrej qaji naŋgi aqaryainjrqajqa deqa osim gulube di qoboiyeqnum. Yimqa Qotei na naŋgi eleŋamqa naŋgi dego Kristus Yesus aqa ñam na ŋambile osib a ombla gaigai sqajqa deqa.

2 Timoti 2:19

Ariya Qotei aqa segi tamo uŋgasari naŋgi tal aqa ai bulosib siŋgila na tigelejunub. Tal aqa aiq di Qotei a anjam endegsi neŋgreŋyej, “Tamo Koba Qotei a aqa segi tamo uŋgasari naŋgi qa qalie bole.” Anjam bei dego tal aqa aiq di endegsi neŋgreŋyej, “Tamo kalil Qotei aqa ñam ti unub qaji naŋgi kumbra uge kalil qoreiyoqnebe.”

2 Timoti 3:9

Ariya naŋgo kumbra di tulaŋ kobaqasai. Nami Janes wo Jambres wo naŋgi aiyel nanari kumbra di yonabqa tamo uŋgasari naŋgi unsib maroqneb, “Naŋgo kumbra di nanari.” Dego kere bini tamo naŋgi di nanari kumbra di yoqnibqa tamo uŋgasari naŋgi unsib maroqnqab, “Naŋgo kumbra di nanari.” Yim deqa naŋgo kumbra di tulaŋ kobaqasai.

Hibru 10:39

Ariya was qu, iga Qotei qoreiyosim padalqasai. Iga tamo deqaji sai. Iga Qotei qa gago areqalo siŋgilato qaji tamo. Deqa iga ŋambile gaigai sqom.

2 Jon 1:7

Niŋgi quiye. Tamo gargekoba naŋgi iga gisaŋgwa maroqnsib mandam endia laqnub. Yesus Kristus a tamo bulyosiq mandamq aiej anjam di naŋgi olo saideqnub. Tamo deqaji naŋgi gisaŋ tamo. Naŋgi Kristus jeuteqnub.

Jut 1:1

E Jut. E Yesus Kristus aqa wau tamo. E Jems aqa was. E na anjam endi neŋgreŋyosim niŋgi tamo uŋgasari Qotei na metŋgej qaji niŋgi qa qariŋyonum. Gago Abu Qotei a na niŋgi tulaŋ qalaqalaiŋgeqnu. Yesus Kristus a segi na niŋgi taqatŋgeqnu.

Jut 1:19

Tamo naŋgi di Kristen tamo uŋgasari naŋgi potoaiyeltnjreqnub. Osib mandam qa iŋgi iŋgi qa are koba qaleqnub. Qotei aqa Mondor naŋgoq di sosai deqa naŋgi kumbra uge degyeqnub.