1 Jon 2:11 - Yesus Aqa Anjam Bole

¹¹ Ariya tamo bei a aqa was bei qa are ugeiyqas di iga unsim qalieqom, tamo di a ambruq di sosiq walweleqnu. Ambru na aqa ŋamdamu getentetqo deqa a sawa qabiteqnu di a qalieqasai.

1 Jon 2:11 ပူးပေါင်းရင်းမြစ်များ

Jon 12:35

Onaqa Yesus na minjrej, “Puloŋ a nuŋgo ambleq di sokiñalaysim niŋgi olo uratŋgwas. Puloŋ a nuŋgo ambleq endi unu. Deqa niŋgi puloŋ di osib puloŋq na laqniye. Yimqa ambruiŋgwasai. Tamo ambruq na laqnu qaji a ambruq di sosim qabitqas kio? Di a qalieqasai.

Jon 12:40

“Qotei a naŋgo ŋamdamu getentetnjrej. A naŋgo are miligi dego getentetnjrej. Deqa naŋgi naŋgo ŋamdamu na Qotei aqa kumbra bei unqa keresai. Naŋgi naŋgo are miligiq na Qotei aqa anjam dego poinjrqa keresai. Deqa naŋgi are bulyosib e qa bqa keresai. Deqa e na naŋgi olo boletnjrqasai.”

2 Korin 3:14

Israel naŋgo areqalo geteŋnjresoqnej deqa naŋgi dal anjam namij sisiyoqneb di naŋgi anjam aqa utru poinjrosaioqnej. Naŋgi nami degsib soqneb agi bini unub. Naŋgo areqalo gara mutu na kabutobulejunu. Tamo bei na gara di taqal atqa keresai. Kristus aqa wau na segi Qotei na gara di olo taqal ateqnu.

2 Korin 4:4

Mandam endeqa qotei gisaŋ Satan a na tamo uŋgasari Kristus qa naŋgo areqalo siŋgilatosaieqnub qaji naŋgo areqalo getentejunu deqa Kristus aqa anjam bole naŋgo are miligiq aiqa keresai. Deqa naŋgi Kristus aqa suwaŋ unosaieqnub. Kristus a segi Qotei. A segi ñam koba ti unu.

Taitus 3:3

Ni qalie, iga dego nami areqalo uge ti sosimqa Qotei aqa anjam gotraŋyoqnem. Bati di Satan a na iga gisa gisaŋgeqnaqa iga Qotei aqa gam bole dauryqa uratosim kumbra uge dauryqajqa are pruggeqnaqa gago segi jejamu qa tulaŋ areboleboleigoqnej. Kumbra dena iga siŋgila na ojesoqnej. Deqa iga minjiŋ ti are uge ti sosim walweloqnem. Tamo naŋgi na iga jeutgeqnabqa iga na kamba dego naŋgi jeutnjroqnem.

2 Pita 1:9

Ariya kumbra bole deqaji tamo bei aqaq di sqasai di a tamo ŋam qandimo bul sqas. Deqa iŋgi bole bole isaq di unu qaji di a unqa keresai. Bole, Qotei a nami aqa une kobotetej. Ariya a deqa olo are walyeqnu.

1 Jon 1:6

Iga endegsi marqom, “E Qotei ombla areqalo qujaitosim unum.” Marsimqa ariya iga olo ambruq di walwelqom di gago anjam di gisaŋ. Deqa iga kumbra bole dauryosaieqnum.

1 Jon 2:10

Tamo bei na aqa Kristen was naŋgi qalaqalainjrqas di iga unsim qalieqom, tamo di a suwaŋoq di unu. A suwaŋoq di unu deqa une bei na a ulontosaieqnu.

1 Jon 2:9

Tamo bei a marqas, “E suwaŋoq di unum.” A degsi marsimqa ariya a olo Kristen was bei qa are ugeiyqo. Di a suwaŋoq di sosai. A ambruq di unu.

1 Jon 3:15

Tamo naŋgi naŋgo Kristen was naŋgi qa are ugeinjreqnu di naŋgo kumbra dena naŋgi na naŋgo was naŋgi ñumobuleqnub. Niŋgi qalie, tamo ñumo qaji tamo naŋgi ŋambile gaigai sqa keresai.

1 Jon 4:20

Tamo bei a marqas, “E Qotei tulaŋ qalaqalaiyeqnum.” Degsi marsimqa ariya a olo aqa Kristen was naŋgi yala qalaqalainjrosaieqnu. Deqa tamo di a gisaŋ tamo. A na aqa Kristen was naŋgi ŋamgala na unjreqnu. Ariya a na naŋgi qalaqalainjrosaieqnu. Deqa a na Qotei ŋamgala na unosaieqnu qaji a dego qalaqalaiyqa keresai.

Uli Anjam 3:17

Ni ino segi ñam soqtoqnsim mareqnum, “E silali koba ti. E ñoro koba ejunum. E iŋgi bei qa truquosai.” Ni degsi maraim. Di ni gisaŋonum. Ni laŋ qure qa iŋgi iŋgi tulaŋ saiqoji. Ni tulaŋ sougetejunum. Ni ŋam qandimo unum. Ni yosi laqnum. Di ni segi poimosai.