1 Jon 1:8 - Yesus Aqa Anjam Bole

⁸ Iga endegsi marqom, “E une yosaieqnum.” Degsi marqom di iga gago segi jejamu gisaŋyonum. Deqa anjam bole gago are miligiq di sqa keresai.

1 Jon 1:8 ပူးပေါင်းရင်းမြစ်များ

Jon 8:44

Niŋgi nuŋgo abu Satan aqa aŋgro. Niŋgi nuŋgo abu Satan aqa areqalo dauryqajqa tulaŋ siŋgilaeqnub. Satan a nami tamo qalo qaji tamo soqnej agi bini unu. A kumbra bole dauryosaieqnu. Di kiyaqa? A kumbra bole dauryqajqa torei urateqnu. A anjam marqas di a gisaŋ anjam segi marqas. A gisaŋ anjam qa utru. A gisaŋ tamo. A gisaŋ anjam kalil aqa abu.

Rom 3:10

Agi Qotei aqa anjam bei nami endegsib neŋgreŋyeb unu, “Tamo bole bei sosai bolesai. Qujai bei a Qotei aqa kumbra tiŋtiŋ dauryosaieqnu. Tamo dego bei sosai.

Rom 3:23

Iga kalil une ateqnum deqa iga laŋ qureq oqsim dia Qotei ombla sqa keresai.

1 Korin 3:18

Niŋgi na nuŋgo segi jejamu gisaŋyaib. Nuŋgo ambleq di tamo bei a mandam qaji powo ti sosim endegsi are qalqas, “E segi powo koba ti unum.” Di gisaŋ. Deqa tamo di a mati marqas, “Bole, e powo ti sosai. E nanari tamo.” Degsi marim Qotei na a olo powo yimqa dena a powo bole ti sqas.

Galesia 6:3

Nuŋgo ambleq di tamo bei a marqas, “E ñam koba ti unum.” Ariya a ñam ti sosai. A ñam saiqoji deqa a na aqa segi jejamu gisaŋyqo.

1 Timoti 6:5

Osib naŋgi gaigai ŋiriŋ anjam koba mareleŋeqnub. Tamo deqaji naŋgi areqalo tulaŋ uge na laqnub. Naŋgi Qotei aqa anjam bole qaliesai bolesai. Deqa naŋgi endegsib are qaleqnub, “Iga Qotei aqa kumbra dauryqom dena iga ñoro koba ti sqom.” O Timoti, naŋgo anjam di gisaŋ.

2 Timoti 3:13

Tamo uge uge naŋgi ti gisaŋ tamo naŋgi ti brantoqnsib tamo uŋgasari naŋgi gisa gisaŋnjroqnqab. Deqa Satan a na kamba dego gisaŋ tamo naŋgi di gisa gisaŋnjroqnqas. Yim naŋgo kumbra di tulaŋ ugedamuqas.

Jems 1:22

Ariya Qotei aqa anjam niŋgi ojejunub qaji di torei dauryoqniye. Laŋa qusib olo urataib. Niŋgi laŋa quqwab di niŋgi nuŋgo segi jejamu gisaŋyqab.

Jems 1:26

Tamo bei a endegsi are qalqas, “E gaigai Qotei qa loueqnum. Deqa e Kristen tamo bole.” Ariya tamo di a aqa segi medabu geregere taqatosaieqnu. Aqa kumbra dena a na aqa segi jejamu gisaŋyeqnu. Deqa a Qotei qa loueqnu di a laŋa loueqnu.

Jems 3:2

Bati gargekoba iga kumbra guro guroyeqnum. Iga kalil degyeqnum. Ariya tamo bei aqa anjam maro qa grotqasai di a tamo bolequja. Deqa a na aqa baŋ ti siŋga ti jejamu ti dego geregere taqatoqnqas.

2 Pita 2:13

Tamo naŋgi di kumbra uge uge yeqnub deqa bunuqna tamo qudei naŋgi na kamba naŋgi kumbra uge enjrqab. Naŋgo kumbra agiende. Naŋgi qanam jige alaŋkobaiyoqnsibqa ya uge uyoqnsib nanarioqnqajqa deqa tulaŋ areboleboleinjreqnu. Naŋgi nuŋgo ambleq di sosib niŋgi koba na iŋgi uyoqnsib nuŋgo ñam uge-teqnub. Dena niŋgi tulaŋ jigateqnub. Ariya naŋgo gisaŋ kumbra di naŋgi yqajqa tulaŋ areboleboleinjreqnu.

1 Jon 1:10

Iga endegsi marqom, “E nami une yosaioqnem agi unum.” Degsi marqom di iga Qotei aqa ñam ugetosim a gisaŋ tamo qa minjobulqom. Deqa aqa anjam gago are miligiq di sqa keresai.

1 Jon 1:6

Iga endegsi marqom, “E Qotei ombla areqalo qujaitosim unum.” Marsimqa ariya iga olo ambruq di walwelqom di gago anjam di gisaŋ. Deqa iga kumbra bole dauryosaieqnum.

1 Jon 2:4

Tamo bei a marqas, “E Qotei qa bole qalieonum.” Marsim ariya a Qotei aqa dal anjam dauryosaieqnu. Di a gisaŋ tamo. Aqa are miligiq di anjam bole sosai.

1 Jon 4:20

Tamo bei a marqas, “E Qotei tulaŋ qalaqalaiyeqnum.” Degsi marsimqa ariya a olo aqa Kristen was naŋgi yala qalaqalainjrosaieqnu. Deqa tamo di a gisaŋ tamo. A na aqa Kristen was naŋgi ŋamgala na unjreqnu. Ariya a na naŋgi qalaqalainjrosaieqnu. Deqa a na Qotei ŋamgala na unosaieqnu qaji a dego qalaqalaiyqa keresai.

2 Jon 1:2

Anjam bole di gagoq di unu. Anjam di bati gaigai gagoq di sqas. Deqa iga niŋgi tulaŋ qalaqalaiŋgeqnum.

3 Jon 1:3

Nami Kristen was qudei naŋgi e nubqa bosib endegsib merbeb, “Gaius a anjam bole dauryeqnu.” Degsib merbonab e qusim tulaŋ areboleboleibej. Od, e qalieonum, ni anjam bole dauryeqnum.