1 Jon 1:4 - Yesus Aqa Anjam Bole

⁴ Iga ti niŋgi ti tulaŋ areboleboleigwajqa deqa are qalsim anjam endi neŋgreŋyosim niŋgi qa qariŋyonum.

1 Jon 1:4 ပူးပေါင်းရင်းမြစ်များ

Jon 15:11

Ijo areqalo agiende. E segi tulaŋ areboleboleibeqnu niŋgi dego tulaŋ areboleboleiŋgoqnem. Utru deqa e na anjam endi niŋgi merŋgonum.

Jon 16:24

Niŋgi nami ijo ñam na Qotei pailyosaioqneb. Ariya bini niŋgi iŋgi bei qa osibqa niŋgi ijo ñam na Qotei pailyoqniye. Osib deqa niŋgi iŋgi di osib niŋgi tulaŋ areboleboleiŋgoqnqas.”

Jon 3:29

Tamo uŋa baŋ ojqas qaji a segi na uŋa di oqas. Aqa was a laŋa qalaq di tigelesosimqa tamo uŋa baŋ ojqo qaji aqa anjam quoqnqas. Qusimqa tulaŋ areboleboleiyqas. Dego kere e bini tulaŋ areboleboleibqo.

2 Korin 1:24

Niŋgi Yesus qa nuŋgo areqalo siŋgilateqnub nuŋgo areqalo di iga na taqatgwajqa e deqa merŋgosai. Iga qalieonum, niŋgi nuŋgo areqalo di siŋgila na ojsib tigelejunub. O was qu, niŋgi tulaŋ areboleboleiŋgwajqa deqa iga niŋgi ti waueqnum.

1 Jon 2:1

O ijo aŋgro kiñilala, niŋgi une yaib deqa e na anjam endi neŋgreŋyosim niŋgi qa qariŋyonum. Ariya nuŋgo ambleq di tamo bei a une yimqa aqaryaiŋgo tamo Yesus Kristus a na tamo di aqaryaiyqas. Yesus a aqa Abu ombla sosiqa a gaigai kumbra tiŋtiŋ yeqnu.

2 Jon 1:12

E anjam gargekoba neŋgreŋyosiy niŋgi qa qariŋyqa kere. Ariya e neŋgreŋyqasai. E mati bosiy niŋgi nuŋgsiy anjam kalil di merŋgekritqai. Yim niŋgi qusib areboleboleiŋgwas.