1 Jon 1:10 - Yesus Aqa Anjam Bole

¹⁰ Iga endegsi marqom, “E nami une yosaioqnem agi unum.” Degsi marqom di iga Qotei aqa ñam ugetosim a gisaŋ tamo qa minjobulqom. Deqa aqa anjam gago are miligiq di sqa keresai.

1 Jon 1:10 ပူးပေါင်းရင်းမြစ်များ

Jon 3:33

Tamo naŋgi Yesus aqa anjam ojeqnub qaji naŋgi a qa naŋgo areqalo siŋgilatoqnsib mareqnub, “Bole, Qotei a anjam bole qa utru.” Naŋgi degsib mareqnub.

Kolosi 3:16

Osib niŋgi Kristus aqa anjam osib nuŋgo are miligiq di siŋgilatib soqnem. Osib niŋgi na nuŋgo Kristen was qu naŋgi areqalo bole ti powo ti osornjroqniye. Yim naŋgi kumbra bole bole yoqnqajqa deqa. Niŋgi nuŋgo are miligiq di Qotei biŋiyoqnsib a qa louoqniye. Lou qudei neŋgreŋq di unu qaji dena ti lou qudei Qotei aqa Mondor na nuŋgo are miligiq di ateqnu qaji dena ti niŋgi Qotei qa louoqniye.

1 Jon 1:8

Iga endegsi marqom, “E une yosaieqnum.” Degsi marqom di iga gago segi jejamu gisaŋyonum. Deqa anjam bole gago are miligiq di sqa keresai.

1 Jon 2:14

O ijo aŋgro, niŋgi Abu Qotei qa bole qalieonub. E deqa anjam endi neŋgreŋyosim niŋgi qa qariŋyonum. O abu niŋgi quiye. Tamo nami soqnej agi bini unu qaji a qa niŋgi bole qalieonub. E deqa anjam endi neŋgreŋyosim niŋgi qa qariŋyonum. O aŋgro wala niŋgi quiye. Qotei aqa anjam nuŋgoq di unu deqa niŋgi siŋgila ti sosib Satan gotraŋyoqnsib siŋgila na tigelejunub. E deqa anjam endi neŋgreŋyosim niŋgi qa qariŋyonum.

1 Jon 2:4

Tamo bei a marqas, “E Qotei qa bole qalieonum.” Marsim ariya a Qotei aqa dal anjam dauryosaieqnu. Di a gisaŋ tamo. Aqa are miligiq di anjam bole sosai.

1 Jon 4:4

O ijo aŋgro kalil, niŋgi Qotei aqa tamo. Mondor Bole a nuŋgoq di unu. Ariya gisaŋ mondor a mandam tamo naŋgoq di unu. Mondor Bole a na gisaŋ mondor di tulaŋ buŋyeqnu. Deqa niŋgi na dego gisaŋ tamo naŋgi di gotraŋnjreqnub.

1 Jon 5:10

Tamo bei a Qotei aqa Ŋiri qa aqa areqalo siŋgilatqas di aqa Ŋiri qa anjam dego aqa are miligiq di siŋgilatim sqas. Ariya tamo bei a Qotei aqa anjam aqa areqaloq di siŋgilatqasai di a na Qotei aqa ñam ugetosim Qotei a gisaŋ tamo qa minjobulqas. Di kiyaqa? A Qotei aqa Ŋiri qa anjam Qotei na iga mergeqnu qaji di aqa areqaloq di siŋgilatosai deqa.

2 Jon 1:2

Anjam bole di gagoq di unu. Anjam di bati gaigai gagoq di sqas. Deqa iga niŋgi tulaŋ qalaqalaiŋgeqnum.