Mateo 26:74 - Tte Pa̱'a̱li̱ Me' Skëköl tö Se' a̱

⁷⁴ Eta̱ ie' iché: —Skëköl wörki̱ yö ichè tö ¡wëm e' kë̀ su̱ule ye' wa̱! Kë̀ idör es, e̱'ma a̱s ye' kichatër. E' wösha̱ë dakro a̱ne,

Mateo 26:74 ပူးပေါင်းရင်းမြစ်များ

Mateo 10:28

Kë̀ a' suanuk yi tö s'tteta̱'wa̱ esepa yöki̱. Ie'pa tö s'chkà ë̀ ttèwa̱mi erë ie'pa kë̀ a̱ s'wiköl duökwa̱. E' skéie Skëköl yöki̱ a' suanú. Ie' tö s'chkà ñies s'wiköl e̱wè̱wami bö' ké̱ a̱.

Mateo 26:34

Ie' tö iiu̱té: —Moki̱ ye' ichè be' a̱ tö i' nañewe, ka̱m dakro a̱r, e' yöki̱ be' icheraë mañatökicha tö be' kë̀ wa̱ ye' su̱ule.

Mateo 26:73

E' kuölö ta̱ wé̱pa tso' ee̱ e'pa debitu̱ ie' ska' ta̱ ichéitö: —Moki̱ be' dör ie'pa ëltë wak, be' ttö̀ ie'pa ttö̀ ttsëë.

Mateo 26:75

ta̱ ì yë' Jesús tö ie' a̱ e' a̱newa̱ ie' é̱na, e' dör i': ‘Ka̱m dakro a̱r, e' yöki̱ be' tö icheraë mañatökicha tö be' kë̀ wa̱ ye' su̱ule.’ Eta̱ ie' e̱' yéttsa̱ mía̱ kañika̱ ta̱ ee̱ ie' i̱é̱ tai̱ë sia̱rë.

Mateo 27:25

Eta̱ ie'pa ulitane iiu̱té: —Sa' ena sa' ala'r ko̱s a̱s e' ki̱ inuí̱ a̱r.

Marcos 14:30

Ie' iiu̱té: —Moki̱ ye' tö be' a̱ ichè tö i' nañewe, ka̱m dakro skà a̱rne, e' yöki̱ be' tö icheraë mañatökicha tö be' kë̀ wa̱ ye' su̱ule.

Marcos 14:68

Pedro tö iblé. Ie' tö iché: —Kë̀ ye' wa̱ ie' su̱ule. Ye' kë̀ é̱na ia̱ne tö ì chök be' tso'. Eta̱ ie' e̱' yéttsa̱ ukkö a̱. E' wösha̱ë dakro a̱ne.

Lucas 22:60

Pedro tö iché: —A wëm, ì cheke be' ye' a̱, e' kë̀ jche̱r ye' wa̱. Pedro ttökeia̱ e' wösha̱ ta̱ dakro a̱ne.

Juan 18:27

Pedro tö iskà bléne ta̱ e' wösha̱ ta̱ dakro a̱ne.

1 Corintios 16:22

Yi kë̀ é̱na Skëkëpa dalër, e' ta̱ a̱s ese kichatër. ¡A Skëkëpa, be' shkö́ne bet!

Apocalipsis 3:19

Wé̱pa dalër ye' é̱na, e'pa ko̱s uñeke ye' tö shu̱rueke ye' tö a̱s ise̱rdak buaë. E' kue̱ki̱ ye' dalöiö́ e̱r bua' wa. Ì sulu wambleke a' tö, ese watö́ttsa̱. A' e̱r mane'ú̱ bua'iewa̱ ye' a̱.