Mateo 11:18 - Tte Pa̱'a̱li̱ Me' Skëköl tö Se' a̱

¹⁸ E' wà dör tö Juan de batsöta̱', blo' kë̀ yöta̱', ta̱ a' tö iché tö aknama tso' ie' a̱.

Mateo 11:18 ပူးပေါင်းရင်းမြစ်များ

Mateo 10:25

E' dör wë' wé̱ wöblarke e' a̱ tö idö̀ we̱s iwöbla'u̱kwak es. Ñies e' dör wë' kanè méso a̱ tö idö̀ we̱s iwökir es. U wökir kiérakitö Beelzebú ¡e' yita̱ iyamipa cherarakitö suluë!

Mateo 11:17

‘Sa' tö pulë bla'wé̱, erë a' kë̀ klötëne'; sa' tö s'e̱riar ttseittsé, erë a' kë̀ i̱i̱ne'.’

Mateo 3:4

Juan datsi' yöule kameio köyök wa; ikipamo e' dör iyiwak kkuölit. Ie' chkè dör ditski ena bulali.

Mateo 9:34

Erë fariseowakpa tö iché: —Bë́, e' wák diché wa ie' tö ie'pa trë'wé̱yal.

Marcos 3:22

Ñies s'wöbla'u̱k ttè dalöiëno wa wakpa datse̱ Jerusalén e'pa tö Jesús ché i' es: “Beelzebú dör bë́ e' tö wëm wí̱ é̱na ká̱ chöwé̱wa, e' diché wa ie' tö aknama trë'we̱keyal.”

Juan 10:20

Ie'pa kibiiepa tö icheke: —¡Ie' dör a̱li̱ie! ¡Ie' a̱ aknama tso'! ¿Ìie a' tö ittö̀ ttseke?

Juan 7:20

Eta̱ pë' tso' tai̱ë ee̱, e'pa tö iiu̱té: —Be' a̱ aknama tso'. ¿Yi é̱na be' ttakwa̱?

Juan 8:48

Eta̱ judiowak kë̀ e̱rblëne Jesús mik, e'pa tö iché ie' a̱: —Mik sa' iché tö be' dör Samaria wak suluë, e' a̱ aknama tso', eta̱ sa' tö iché yësyësë.

Juan 8:52

Ie'pa tö iché ie' a̱: —I̱'ñe je' sa' tö iklö'wé̱ moki̱ tö be' a̱ aknama tso'. Abraham ena Skëköl ttekölpa ko̱s durulune. ¿We̱s be' tö iché tö yi tö be' ttè iu̱teke, esepa kë̀ duö̀pawa̱?

Hechos 26:24

Es Pablo e̱' tsa̱tköke e' shu̱a̱ Festo tö iché ie' a̱ a̱neule: —¡A Pablo, be' a̱li̱neka̱! Be' e̱' yué yëkkuö wa tai̱ë, e' tö be' a̱li̱wé̱ka̱.

1 Corintios 9:27

Ye' e̱' wöklö'u̱ke darërë, ye' chkà kekeyö kësik wa a̱s tö iù̱ we̱s Skëköl ki̱ ikiane es. E' we̱keyö es dö' ye' s'patté tai̱ë Skëkëpa ttè wa, erë ye' wák kë̀ ulà a̱ iské dö̀.