Marcos 5:34 - Tte Pa̱'a̱li̱ Me' Skëköl tö Se' a̱

³⁴ Eta̱ Jesús ie' a̱ iché: —A alà busi, be' e̱rblé ye' mik, e' tö be' bua'wé̱ne. Be' yúne bë̀rë. Be' buanene.

Marcos 5:34 ပူးပေါင်းရင်းမြစ်များ

Mateo 9:2

Eta̱ ee̱ ie'pa wa̱ wëm kraulewa̱ eköl mítse̱r Jesús ska' ka̱'la ki̱. Mik Jesús tö isué̱ tö moki̱ ie'pa e̱rblé ie' mik, eta̱ ie' tö iché wëm kirirke e' a̱: —A yami, be' e̱r kuú̱, ì sulu ko̱s wamblébö, e' nuí̱ olone be' ki̱.

Mateo 9:22

Erë Jesús wötrée ta̱ isué̱itö ta̱ ichéitö ia̱: —A alà busi, be' e̱r kuú̱. Be' e̱rblé ye' mik, e' kue̱ki̱ be' buanene. E' wösha̱ ta̱ ie' buanene buaë.

Marcos 10:52

Jesús tö iché ia̱: —Be' e̱rblé ye' mik, e' wa be' buanene. Be' yúne. E' wösha̱ ta̱ ie' wöbla buanene ta̱ imía̱ Jesús ta̱ ñala̱ wa.

Marcos 5:29

E' bet ta̱ ipë́ wöklöne ta̱ ie' ittsé e̱' ki̱ tö ibuanene.

Marcos 5:33

Alaköl buanene e' painéka̱ tai̱ë suane wa. Ì tka ie' ta̱ e' a̱ne ie' é̱na, e' kue̱ki̱ ie' debitu̱ e̱' tkéwa̱ kuchë ki̱ Jesús wörki̱. Ì ko̱s tka ie' ta̱ e' chéka̱ia̱ yësyësë.

Lucas 17:19

Ie' tö iché wëm a̱: —Be' e̱' kö́ka̱ be' yúshkane. Be' e̱rblé ye' mik, e' tö be' bua'wé̱ne.

Lucas 18:42

Jesús tö ie' a̱ iché: —¡Be' e̱rblé ye' mik, e' wa be' buanene!

Lucas 7:50

Erë ie' tö alaköl a̱ iché: —Be' e̱rblé ye' mik, e' tö be' tsa̱tkée. Be' yúne bë̀rë.

Lucas 8:48

Jesús tö iché ia̱: —A alà busi, be' e̱rblé ye' mik, e' kue̱ki̱ be' buanene. Be' yúne bë̀rë.

Hechos 15:33

Ie'pa se̱né ee̱ kukuie. Mik ie'pa mitkene itö̀ wane eta̱ iyamipa tö iché ia̱rak a' shkö́ wöbla wa.

Hechos 16:36

S'wöto wé wökir tö iché Pablo a̱: —Sa' shu̱lökwakpa tö ye' a̱ ka̱wö mé a' ökmine. E' kue̱ki̱ a' yúne bë̀rë.

Santiago 2:16

eta̱ a' we̱le tö iché ie' a̱: “Be' shkö́ wöbla wa, Skëköl be' ki̱mè. Be' e̱' paiö́ buaë, be' chkö́ buaë.” A' tö iché ie' a̱ es, erë ì kiane ie' ki̱ e' kë̀ mène a' wa̱ ie' a̱, e' ta̱ e' wa ¿ì buaë wé̱ a' tö?