Marcos 4:40 - Tte Pa̱'a̱li̱ Me' Skëköl tö Se' a̱

⁴⁰ Eta̱ ie' tö ittökatapa a̱ iché: —¿Ì kue̱ki̱ a' suane se̱kkë? ¿Ka̱m a' e̱rblö̀ ye' mik?

Marcos 4:40 ပူးပေါင်းရင်းမြစ်များ

Mateo 14:31

E' bet ta̱ Jesús tö iklö'wé̱ iulà a̱ ta̱ iché ia̱: —¡Wësua be' e̱rblöke ye' mik bërëbërë! ¿Ì kue̱ki̱ be' ibikeitséka̱ bötböt?

Mateo 16:8

Ì chök ie'pa tso' e' sué̱wa̱itö ta̱ ichéitö ie'pa a̱: —¿Ì kue̱ki̱ a' tso' ichök ñì a̱ tö kë̀ se' wa̱ ì dë' ñè? ¡Ka̱m a' e̱rblö̀ ye' mik moki̱ë!

Mateo 6:30

Ka̱kö sué̱sö i̱'ñe, bule ta̱ iñanewa, erë Skëköl tö iki̱tkeke buaala iwörkua wa. Ie' tö ka̱kö ki̱tkeke es, ¡e' yita̱ ie' tö a' kianeia̱ e̱rblök buaë ie' mik, esepa paieraë!

Mateo 8:26

Ie' tö ie'pa iu̱té: —¿Ì kue̱ki̱ a' suane se̱kkë? Wësua a' kë̀ e̱rblöku̱' ye' mik bua'ie. Eta̱ ie' e̱' kéka̱ ta̱ siwa̱' ena di' yöli uñéitö ta̱ iwöklönewa̱ mía̱ne alamië.

Marcos 4:41

Ie'pa kí̱ tkinewa̱ tai̱ë ta̱ iñi chakéka̱: —¿Yi dör wëm wí̱? ¡E' ttö̀ dalöieke siwa̱' tö di' tö!

Lucas 8:25

E' ukuöki̱ ta̱ ie' tö iché ie'pa a̱: —¿We̱s a' e̱rblöke ye' mik, e' de? Erë ie'pa suanéka̱ tai̱ë, tkinewa̱ tai̱ë ta̱ iñi chakéka̱: —¿Yi dör wëm wí̱? ¡E' ttö̀ dalöié di' tö ena siwa̱' tö!