Lucas 3:14 - Tte Pa̱'a̱li̱ Me' Skëköl tö Se' a̱

¹⁴ Ñies ñippökwakpa we̱lepa ie' a̱ ichaké: —Ñe' ta̱ ¿ì wè̱mi sa' tö? Ie' tö ie'pa iu̱té: —Kë̀ a' s'pau̱ñuk inuköl yottsa̱ie. Kë̀ a' ka̱chök s'ña'wo̱ie. Ko̱s a' pato̱rke, ekkë ë̀ klö'ú̱, ta̱ a' ttsë'nú buaë iwa.

Lucas 3:14 ပူးပေါင်းရင်းမြစ်များ

Éxodo 20:16

“Kë̀ a' ka̱wö ta̱' s'kkatök ka̱chè wa.

Mateo 8:5

Mik Jesús de Cafarnaúm, eta̱ Roma ñippökwakpa döka̱ cien ese wökir de eköl ie' ska' kköchök,

Lucas 19:8

Zaqueo e̱' duéka̱ ta̱ iché Skëkëpa Jesús a̱: —A këkëpa, ye' ttö̀ ttsö́. Ì ko̱s tso' ye' wa̱, e' sha̱böts meraëyö s'sia̱rëpa a̱. Ñies yile íyi ekibléyö, e' ta̱ e' mekeneyö ie' a̱ döka̱ tkëtökicha.

Lucas 3:10

Eta̱ ie'pa tö Juan a̱ ichaké: —¿E̱'ma ì wè̱mi sa' tö?

Lucas 3:13

Ie' tö ie'pa iiu̱té: —Kë̀ a' tö inuköl shtök ko̱s ika̱wöta̱ shtè e' tsa̱ta̱.

Hechos 10:7

Mik Skëköl biyöchökwak ttè o̱ne Cornelio ta̱ e' mía̱ eta̱ Cornelio tö ikanè mésopa kié böl ena iñippökwak kiéitö eköl ñies. Ñippökwak e' tö Skëköl dalöieke tai̱ë. Ie' dör Cornelio ki̱mukwak bua'ie.

Filipenses 2:15

Iú̱ es a̱s kë̀ ì sulu tté ku̱r a' ki̱. Es a' se̱rmi pë' sulusipa shu̱a̱ yësyësë kë̀ ki̱ ì nuí̱ ta̱' we̱s Skëköl ala'r es. Ie'pa shu̱a̱ a' dör we̱s bëkwö wöñar ká̱ ttsettse a̱ es.

Filipenses 4:11

Ye' kë̀ ku̱' e' chök a' a̱ ilè kí̱ kianeia̱ ye' ki̱ e' kue̱ki̱. Ye' wöblanewa̱tke ttsë'nuk buaë ì ko̱s tköke ye' ta̱ e' a̱.

Tito 2:3

Es ñies tayëpa këkëpatke, esepa wöbla'ú̱ se̱nuk Skëköl dalöiè a̱. Ie'pa kë̀ kàne blo' kukueblökwa̱. Ie'pa kë̀ kàne biyöblök. E' skéie ie'pa ké s'wöbla'u̱k se̱nuk buaë.

Apocalipsis 12:10

E' ukuöki̱ ta̱ ttö̀ darërëë ttséyö ká̱ jaì a̱ tö iché: “Bata ekkë ta̱ Skëköl tö se' tsa̱tkée, ie' e̱' tkéka̱tke ì ulitane blúie diché ta̱' tai̱ë. Wé̱ pairi'bitu̱ ie' tö idi' wa s'blúie e' detke ká̱ ulitane wakpa wökirie. Satanás bak s'yamipa kkatök ñië nañeë Skëköl a̱, erë bata ekkë ta̱ ie' u̱yéttsa̱itö.