Lucas 22:57 - Tte Pa̱'a̱li̱ Me' Skëköl tö Se' a̱

⁵⁷ Erë Pedro tö iblé. Ie' tö iché: —A tayë, ye' kë̀ wa̱ wëm e' su̱ule.

Lucas 22:57 ပူးပေါင်းရင်းမြစ်များ

Mateo 10:33

Erë yi tö iblé s'male̱pa wörki̱ tö ie' kë̀ dör ye' ttökata, e' ta̱ ñies ibleraëyö ye' Yë́ tso' ká̱ jaì a̱ e' wörki̱ tö ie' dör ye' ttökata.

Mateo 26:70

Erë ie' tö iblé sulitane tso' e'pa kukua. Ie' tö iché: —Ye' kë̀ é̱na ia̱ne tö ì chök be' tso'.

Lucas 12:9

Erë yi tö iblé sulitane wörki̱ tö ie' kë̀ dör ye' ttökata, e' ta̱ ñies ibleraëyö Skëköl biyöchökwakpa wörki̱ tö ie' kë̀ dör ye' ttökata.

Lucas 22:56

Eta̱ alaköl eköl dör kanè méso, e' tö Pedro sué̱ bö' kkö̀ a̱ ta̱ isué̱wa̱ krereë ta̱ ichéitö: —Ñies ie' wí̱ dör Jesús klé.

Lucas 22:58

E' ukuöki̱ kukuie ta̱ wëm eköl tö Pedro sué̱ ñies ta̱ ichéitö: —Be' ñies dör Jesús klépa eköl. Erë Pedro tö iiu̱té: —A wëm, kë̀ ye' dör ie'pa eköl.

Juan 18:25

E' dalewa Pedro duria̱ bö' baiklök ta̱ ichakérakitö: —¿Yëne be' dör wëm klönewa̱ e' klé eköl? Ie' iiu̱té: —Au, ye' kë̀ dör ie' klé.

Juan 18:27

Pedro tö iskà bléne ta̱ e' wösha̱ ta̱ dakro a̱ne.

Hechos 3:19

E' kue̱ki̱ ì sulu watö́ttsa̱. A' e̱r mane'ú̱ Skëköl a̱ a̱s a' nuì̱ olo'yö̀itö a' ki̱.

1 Juan 1:9

Erë Skëköl ttö̀ moki̱ë ena ie' dör yësyësë. E' kue̱ki̱ se' e̱' kkatéka̱ ie' a̱, e' ta̱ se' nuì̱ olo'yeraëitö se' ki̱, ñies se̱ne sulu nuí̱ ko̱s paikleraëitö se' e̱r a̱.