Lucas 2:32 - Tte Pa̱'a̱li̱ Me' Skëköl tö Se' a̱

³² Ie' döraë we̱s ká̱ olo es, pë' kë̀ dör judiowak esepa e̱r ñi'wo̱ie a̱s ie'pa é̱na be' ttè moki̱ë e' wà a̱r. Ñies Israel aleripa dör be' icha, e'pa ki̱kardaka̱ tai̱ë ie' batamik.” Es Simeón tö iché.

Lucas 2:32 ပူးပေါင်းရင်းမြစ်များ

Mateo 4:16

Ie'pa se̱rke we̱s se' se̱rke stui a̱ es e' kë̀ wa̱ Skëköl su̱ule. Ie'pa dör we̱s s'duulewa̱ es. Erë eköl doia̱, e' tö ie'pa e̱r ñi'we̱raë Skëköl ttè wa we̱s ká̱ olo tö ká̱ ñiwe es.” Es Isaías tö iyë'a̱t.

Lucas 2:10

Erë Skëköl biyöchökwak tö iché ie'pa a̱: “Kë̀ a' suanuk, ttè buaë datse̱ ye' wa̱ a' a̱, e' tö pë' ulitane ttsë'we̱raë buaë.

Lucas 2:31

E' patké be' tö ká̱ ulitane wakpa a̱.

Hechos 26:23

Ie'pa tö iyë'a̱t tö wé̱ pairine'bitu̱ idi' wa s'blúie e' ka̱wöta̱ ttèwa̱. E' ukuöki̱ ta̱ ie' shke̱rdaka̱ne ke̱weie sulitane yöki̱, ta̱ s'tsa̱tko tté pakeraëitö judiowak a̱ ena ká̱ ulitane wakpa a̱. Ttè e' dör we̱s bö'wö es se' e̱r ñi'wo̱ie.”

Hechos 28:28

A' wa̱ ijche̱nú tö i' ukuöki̱ ta̱ Skëköl tö s'tsa̱tkè e' tté tso'tke pakè pë' kë̀ dör judiowak esepa a̱. Ie'pa e' tö iklö'we̱raë.

1 Corintios 1:31

E' kue̱ki̱ s'ka̱wöta̱ se̱nuk we̱s Skëköl yëkkuö tö ichè es, e' tö ichè: “Yi e̱' ttsakka̱ a̱s ese e̱' ttsö̀ka̱ ì wé̱ Skëköl tö ese wa.”

Apocalipsis 21:23

Skëköl olo burke tai̱ë ká̱ e' a̱, ñies Obeja Pupula olo burke tai̱ë ká̱ e' ko̱s a̱ we̱s bö'wö tai̱ë olo bur es. E' kue̱ki̱ diwö kë̀ ta̱', si'wö kë̀ ta̱'.