Lucas 12:14 - Tte Pa̱'a̱li̱ Me' Skëköl tö Se' a̱

¹⁴ Jesús tö iu̱té: —A wëm, ye' kë̀ dör a' íyi shu̱lökwak, ñies ye' kë̀ dör a' íyi blatökwak.

Lucas 12:14 ပူးပေါင်းရင်းမြစ်များ

Éxodo 2:14

Eta̱ hebreowak e' tö iiu̱té: —¿Yi tö be' tkéka̱ sa' wökirie sa' shu̱lökwakie? ¿Be' tso' ye' bikeitsök ttèwa̱ we̱s egiptowak kötwa̱bö es? Mik ttè e' ttsé Moisés tö, eta̱ e' tö ie' suawé̱. Ie' ibikeitsé: “Ie'pa wa̱ ijche̱newa̱ tö ye' tö egiptowak kötwa̱.”

Lucas 12:13

Pë' dapane tai̱ë e' eköl tö Jesús a̱ iché: —A s'wöbla'u̱kwak, ichö́ ye' ël a̱ tö sa' yë́ íyi ukuö a̱te̱ ko̱s e' blatö́ö, ye' icha mú ye' a̱.

Lucas 22:58

E' ukuöki̱ kukuie ta̱ wëm eköl tö Pedro sué̱ ñies ta̱ ichéitö: —Be' ñies dör Jesús klépa eköl. Erë Pedro tö iiu̱té: —A wëm, kë̀ ye' dör ie'pa eköl.

Lucas 5:20

Mik Jesús tö isué̱ tö moki̱ ie'pa e̱rblé ie' mik, eta̱ ie' tö iché wëm kirirke e' a̱: —A yami, ì sulu ko̱s wamblébö, e' nuí̱ olone be' ki̱.

Juan 6:15

Erë Jesús wa̱ ijche̱newa̱ tö ie'pa wa̱ ie' mi'ketse̱r diché wa tkèka̱ blu'ie, e' kue̱ki̱ ie' mía̱ne ka̱bata a̱ e̱' tsu̱ka̱t ekörla.

Juan 8:11

Ie' tö iiu̱té: —A këkëpa, kë̀ yi a̱te̱. Jesús tö iché ia̱: —Ye' ñies kë̀ tö be' kkatè. Be' yúshka. Kë̀ ì sulu skà wamblaria̱.]

Romanos 2:1

A' isie tö pë' chéyö ñe'sepa kichatekettsa̱, esepa kë̀ a̱ ì yënuk e̱' tsa̱tkoie Skëköl wörki̱. Ì sulu ko̱s wambleke ie'pa tö ese wambleke a' tö ñies. E' kue̱ki̱ mik a' tö ie'pa kichatéttsa̱, eta̱ e' wa a' wákpa tso' e̱' kichatöktsa̱. E' kue̱ki̱ kë̀ a' a̱ e̱' tsa̱tkënuk.

Romanos 2:3

A' tö ì sulu wamblé we̱s wé̱pa kichatéttsa̱ a' tö es, e' ta̱ ¿we̱s a' ibikeitsèmi tö Skëköl kë̀ tö a' kichatepattsa̱ ñies?

Romanos 9:20

Erë ye' iiu̱tèmi: A wëm ¿i̱ma be' e̱rbikö̀ be' dör yi, e' tö Skëköl iu̱tè e̱r sulu wa? Ska̱u̱ kë̀ tö ichepa iyuökwak a̱: “¿Ì kue̱ki̱ be' tö ye' yué i' es?”