Lucas 10:36 - Tte Pa̱'a̱li̱ Me' Skëköl tö Se' a̱

³⁶ Eta̱ Jesús tö ichaké s'wöbla'u̱kwak a̱: —Wëm shka̱'wé̱ akblökwakpa tö e' sué̱ ie'pa mañal tö, ¿ie'pa wé̱ tö idalëritsé moki̱ we̱s s'ka̱wöta̱ s'yamipa dalëritsök es?

Lucas 10:36 ပူးပေါင်းရင်းမြစ်များ

Mateo 17:25

Pedro tö ie' iu̱té: —Tö́, ipatue̱ta̱'. E' ukuöki̱ ta̱ mik Pedro de we̱shke̱, eta̱ Jesús tté ie' ta̱ ke̱we ta̱ ichéitö ie' a̱: —A Simón, ¿i̱ma be' ibikeitsè? ¿Yi ña'we̱ke ká̱ wökirpa tö, iká̱ wakpa e̱kka ö pë' kua̱'ki̱?

Mateo 22:42

e' dalewa Jesús tö ie'pa a̱ ichaké: —¿I̱ma a' tö wé̱ pairine'bitu̱ idi' wa s'blúie e' chè, tö yi aleri idir? Ie'pa ie' iu̱té: —E' dör s'blú bak kiè David e' aleri.

Lucas 10:35

Bule es ta̱ samariawak tö s'kaporö wé, e' wák patué̱ inuköl döka̱ s'kaneblö̀ ká̱ böt e' ské ekkë, ta̱ iché ie' a̱: ‘Wëm shka̱'ule i' kkö'nú ña. Ilè kí̱ tué̱ be' tö ie' a̱, e' ta̱ e' ki̱ ye' tö be' patue̱rane mik ye' dene eta̱.’

Lucas 10:37

S'wöbla'u̱kwak tö iiu̱té: —Wé̱ tö isué̱ e̱r sia̱rë wa e'. Jesús tö ie' a̱ iché: —Es be' yú ta̱ iú̱ we̱s samariawak tö iwé̱ es.

Lucas 7:42

Ie'pa böl kë̀ a̱ ipato̱r, e' kue̱ki̱ inuköl peitökwak tö inuì̱ olo'yé ie'pa ki̱. Ye' tö be' a̱ ichakè tö ie'pa böl, ¿wé̱ne ë́k é̱na inuköl peitökwak dalërmi kibiie?